زواج زوجي

لاعرف ماذا اقول اتخاذ القرار سهل لكن المشكلة هل تستطيعين تحمل تبعاته

يعني انتي مقرره اساسا شوفي اذا انتي تحبي الشقا لعمرك زوجيه اذا تبغين تشوفينه معها بالغرفه وخارج وداخل معها زوجيه اذا تبغين تشوفينه يهتم فيها ويدور عليها وينشغل فيها زوجيه يعني انا مستغربه عندك اكتئاب وتبغين تكأبين نفسك زياده حرام عليك انا حاسه اني بنجن وانا ماعندي عيب ولا مرض ولا شي ومتزوج علي نصيحه انا نفسيتي تعبانه جدا جدا لدرجة اشوف بنتي متعلقه باابوها لما يخرج وتبكي وراه وهو بيروح عند ضرتي واكلمه واقوله حرام عليك هذي الحياه وهو ولا هامه رايح يمشيها فنصيحه من مجرمه نامي فوق فراشك وزوجك جمبك ومعك ببيتك ومع ولدك ولا وحده تشارك الحياه والبيت والقلب والزوج

والله انتي زوجة حكيمة مادمتي عارفة انك راح تقصري زوجيه والله يتبت اجرك

لا تظلمين نفسك وبيتك

تبغينه يتزوج ليش؟؟؟

ما فهمت هو يبغيك انت تجيبن الاولاد؟؟؟ شنو المشكله؟؟؟

30 سنه مو صغيرة...
اذا دخلت ال40 بتدفنين روحك؟؟؟؟؟

سن ال30 احلى عمر للمرا يكتمل نضوجها وتكون فاهمه الدنيا اكثر

ما شالله عليكم يالحريم 30 كبرتوا تعرسون رجالكم
والرجال 60 توهم شباب يبون بنوته تونسهم

تدرين انا اكتب لك شنو وضعي؟؟؟ انا صار لي كم سنه احمل وما يكمل الحمل 3 شهور ويموت من غير سبب وسنتين ادخل ال 30 واذا احمل ابقى بيت اهلي واخرتها اسوي العملية وارجع..والله اعلم ربي كاتب لي حمل كامل او لا ...وزوجي يقولي خلاص ما نبغي عيال تكفينا هالبنت الله يخليها...بس معقولة انا او هو نفكر ندخل طرف ثالث بينا لان ناقصنا هذا الشئ؟؟؟ بالعكس هذا بلاء من رب العالمين لازم نتعاون اثنينا ونتحمله....

لو زوجك صار معاه شئ لا سمح الله بتحسن مقصر عليك مثل احساسك اللحين اتجاه نفسك؟؟؟؟؟ بالعكس اذا تحبينه بيزيد حبك له .... لا تهدمين بيتك لما تدخلين اطراف ثانية بيتكم..كل شئ نعمة من رب العالمين وصحتك احسن من ناس وايد ...

التزمي الاستغفار وربي يفرجها لك..