ضايق صدري من معاملة زوجي لعيالنا
انا عندي بنت ثاني ابتدائي وولد تمهيدي وماعندي غيرهم الله يحفظهم لكن زوجي كل شئ للبنت ومتطلباتها ينفذها واذا جاء للولد يتعذر ويشوف انه مو ضروري
مثلا البنت دخلناها روضة وكنت ادرس وكانت حالة بالهم ومشاوير ومع ذلك مااعترض وكان ملزم علي دراستها ووقت حفلتها كنت مريضة وحرارتي فوق 40 ومع ذلك اجبرني اروح وربي وقتها اللي جالسة جنبي حاسة بالحرارة اللي تطلع من جسمي..
جينا للمدرسة ورفض يدخلها حكومي مع اني كان ودي لانه فيه مدرسة قريبة من البيت وممتااااااااااااااااااازة جدا اعرفها لكنه رفض وقال اخاف عليها لازم خاص ومن هالكلام وفعلا دخلناها خاص واي مبالغ يطلبونها لحفلات او رحلات يعطيها واذا طلبت وسايل وكذا يجيب مع اني ارفض اقول النشاط الخارجي ماله داعي ماابغاها تتعود كل ماقالت المعلمة مين يشتري ترفع يدها
نجي للولد .. بالقوة وبالغصب والزعل رضي يدخله تمهيدي مع اخته بنفس المدرسة يقول ماله داعي ومو ضروري ويتعلم بالمدرسة علي طول ويتعمد كل شوية يساله عن شئ واذا ماعرف قالي شايفة ماعندهم سالفة.. واذا عندهم رحلة يجلس يتكلم ويبدا بموال بس طلبات وفلوس مالازم يروح وينكد علي..
عند ولدي الحفل الختامي للتمهيدي وطلبو مبلغ عشان يصورون الاطفال ولكل طفل البوم خاص لصوره مع اصحابه ورفض يدفع والولد مسكين كل يوم يتصور وملابس وحركات ونهايتها مارضي يدفع
حتي الحفل طلبو منهم ازياء محددة ورفض يروح يشتريها قال مالازم يشارك بكل فقرات الحفل يكفي فقرتين قلت له مستحيل اخليه يروح ويشوف اصحابه يشاركون وهو يوقف ينتظر
يعني بجد حرام اكثر من شهر يتدرب علي فقرات الحفل ونهايتها مارضي لا يدفع فلوس شريط الفديو للحفل ولا جاب له الازياء المحددة
يقول خلاص اوديه محل العاب واخليه يشتري بقيمتها لعبة احسن<<<<<<< بموت قهر لان بنت عمته معاه بالتمهيدي واكيد راح تجي وتحكيه عن الحفل
والان المدرسة يبغي يدخله مدرسة حكومي قريبة من البيت مع ان سمعة المدرسة زفففففففففت وسيئة جدا وهو عارف وعيال اخته فيها وعلي خط عام وكثير اولاد اندعسو علي خطها وحتي تدريس ماعندهم ابد
اقوله حرام لازم تعدل بينهم .. لاتضيع مستقبل الولد ماشاء الله معلماته بالتمهيدي يمدحون بعقليته جدا ويقولون عقله نظيف وله مستقبل.
حتي بالاعياد مهما كلف لبس البنت مايفتح فمه اما الولد يقول خلاص يكفي ثوب أي شكل وخلاص
لو غلطت البنت وخاصمها وقامت تبكي يدور أي سالفة ولو قديمة عشان يخاصم الولد ويخليه يبكي زيها !!!
بنات احس كذا حرام صح او لا؟؟؟ انا عارفة انه يحبهم كلهم وكلهم عياله بس مااحب يفرق بينهم .. هو مو حاس ومايقتنع بكلامي وخصوصا حكاية المدرسة مقهوووووووورة عليه حاسته بيضيع الولد
شاركي في النقاش
سجلي الدخول لإضافة تعليق.
التعليقات
26- والله ياأختي ماأدري أيش أقول ليكي بس لازم تجلسي معه وتكلمية بهدوء أن اسلوبة غلط
وأنة كذا يدمرررررر نفسية الولد
وأنة ذحين صغير ماراح بتفريق المعاملة بينة وبين أختة بس إذا كبر حيفرق
أنا أعرف أنك تبغي تقولي كلمتة بس كلمية مرةو2و3و4و1000 بس بشرط مايكون بعصبية
دائماً كلمية بوقت رااااااايق وهااااااادي
والله يهدية ولاتنسي تدعي أن الله يهدية ويعرف أنة غلطاااااااان دره0555 والله ياأختي ماأدري أيش أقول ليكي بس لازم تجلسي معه وتكلمية بهدوء أن اسلوبة غلط وأنة كذا يدمرررررر نفسية الولد وأنة ذحين صغير ماراح بتفريق المعاملة بينة وبين أختة بس إذا كبر حيفرق أنا أعرف أنك تبغي تقولي كلمتة بس كلمية مرةو2و3و4و1000 بس …
والله ضاق صدري منه كل ماكلمته قال الولد غير والبنت غير
البنت ينخاف عليها والولد خليه يتربي ويتعلم عادي
بجد اكثر وقت تمنيت اني اوكون موظفة الان .. كان دخلته افضل مدرسة بباص لو اخر الدنيا
حرام يدمر مستقبل الولد وهو بنفسه شايف عيال اخته جايبه لهم مدرسين لجميع المواد بالبيت
يقولي انتي فاضية بالبيت وجامعية درسيه وتابعيه بنفسك وان الدور الاساسي والكلي علي الام والمدرسة مكمل بس!!!!!- ياقلبي حرام عليه ليش يفررق
بطريقته بيكرهون بعض والله حرررام - ترى ايما الاب يميل مع البنت
وبيني وبينك يغار من الولد
خصوصا اذا اهتميتي فيه ودلعتيه ودافعتي عنه متآآملة ترى ايما الاب يميل مع البنت وبيني وبينك يغار من الولد خصوصا اذا اهتميتي فيه ودلعتيه ودافعتي عنه
هم يحبون بعض مرررررة بس اكيد لو كبرو علي هالحال بيكرهون بعض
معقولة يغار منه!!
علي العموم الولد يموت فيني وكل شوي لازم يجي يحظني ويبوسني ودايم يقول ماما انا لما اكبر بوديكي السوق وبشتري لك وكل ماابوه رفض شئ قال ماما انا لما اكبر اجيبه
مواضيع مشابهة
تابعي تجارب أخرى من هذا القسم.