اللي عندها زوج ..وطفل بس ..هي اللي تدخل كيف تنظيم الميزانيه/ تعديل

شكرا للكل اللي ردوا
وجزاك الله خير nooooof )ما أدري كم o حطيت..........هههها بس مومشكله
شكرا للكل
ابغى تجارب وخبرات كمان..............انتظركن ياالغلا

بنت نوره والنعم ,,,,شكرا بس بغيت اسألك التوست ما بتفتت بعد التجميد يعني لمن تسخنيه يجي زي الطازج؟
بليز ردي

ارد عنها :)

انا اجيبه واحطه بالفريزر وكل ماحتجت طلعته وحميته وكانه طازج مايتغير

انا وزوجي بالبيت بس وحامل .. وهذي طريقتي بالتقضي من السوبر ماركت وان شاء الله لاولدت ماراح أغيّرها
وبصراحه انا مجربتها ومرتاااحه ..

شوفي كل راس شهر نروح السوبر ماركت ونشتري كل الاغراض ..
واهم شي اهم شي الأساسيات اللي تاخذ مده طويله بدون ماتخرب مثل :

- رز 5 كيلو ويجلس شهرين ثلاثه عندي لاننا ماناكل رز يومياً ..
- السكر والملح وباقي البهارات ..
- صابون اريال او تايد لغسيل الملابس .. انا اجيب 4 كيلو .. ممكن تشترين اكبر عادي ..
- المنظفات بأنواعها .. فانيش , كلوركس , فلاش , داوني , ديتول , فيري .. سائل اليدين .. أشتري كميه تكفي لشهر او شهرين
من كل نوع آخذ علبه اذا كبيره او علبتين اذا الحجم صغير ..
- السفر البلاستيك اشتري رول واحد كبير وأكياس زباله الله يكرمكم كبار وصغار اجيب كميه تكفي شهرين ..
وطبعاً الاسفنج والليفه والقصدير والرول البلاستيك والقلفز والكلينكس العادي ورول الحمام ..
-المعلبات من جبنه سايله وفول وحمص وفاصوليا وعسل وقشطه وحليب بوني وحتى معجون الطماط
اجيب كميه تكفي شهر شهرين مايخرب وأخزنهم عندي بالمطبخ ..
-والدجاج أجيب 6 او 7 حبات صغار وأحطهم بالفريزر تكفي شهر .. والبيض كرتون واحد احطه بالثلاجه ..
-والخبز اشتري كميه واحطه بالفريزر مايخرب واذا جينا بناكل منه احطه بالمايكرويف وخلاص ..
-الزيت انا استعمل زيت زيتون اشتري علبتين واحيانا ثلاث علب واحطهم بالدرج بالمطبخ ..
- البصل + البطاط نشتري كميه ويطوّل مايخربون ..


هذا تقريباً الاشياء اللي نشتريها كل شهر ونص او كل شهرين ..
اما الاشياء اللي نشتريها كل اسبوع او اسبوع ونص هي الزبادي والحليب والعصير وباقي الخضار لانها تخرب بسرعه ولازم كل فتره نشتريها ..

والله احسن شي كذا .. ترتااااااااحين ..
انا مليت قبل كنا نروح كل اسبوعين طفش .. بس اللحين ارتحنا ..