السلام عليكم ورحمة الله وبركاته
مرحبا دكتوره ..عندي كم استفسار واتمنى انك تردين علي
الحمدلله ولدت من 27 يوم .. وكانت ولادتي قيصريه الحمدلله على كل حال.. وهذي ولادتي الثانيه
كانت ولادتي الاولى ( ولادة طبيعيه) لكن قدر الله في هذي الولاده اولد بعمليه قيصريه بسبب التفاف الحبل السري على رقبة الجنين وان الرحم ما فتح اكثر من 5ونص سم وطولت على هذا الحال وقل نبض الجنين وصار يتبرز(انتي بكرامه) .. فخافت الدكتوره تجازف اكثر من كذا خوفا على سلامة الجنين .. والحمدلله ربي سلم ولدي .. مع العلم انه الدكتوره قالت لي انه وضعي جدا طبيعي ويهأ للولاده الطبيعيه .. الحوض والطول وكمية الماء بس التفاف الحبل السري هو اللي خرب علي .. الحمدلله على كل حال.. دكتوره بما ان هذي اول ولاده لي قيصريه فيه اشياء ودي استفسر عنها وارجوا منك مساعدتي والرد علي....
1- سمعت كثير من الناس عن الالتصاقات والكل ينبهني منها ..
ابغى اعرف وش هي الالتصاقات ؟؟؟
وهل راح تاثر علي مستقبلا في الحمل؟؟؟؟ وكيف اعرف انه عندي التصاقات ؟؟؟؟؟
هل فيه فحوصات معينه اسويها عشان اعرف عندي التصاقات او لأ؟؟؟؟؟؟؟؟؟
2- كيف اعرف انه الرحم رجع لوضعه الطبيعي ... وخلال كم يرجع الرحم لوضعه الطبيعي ... وماهي الفحوصات اللازمه للاطئنان على الارحام والمبايض؟؟؟؟؟؟؟؟؟؟
3- التأم الجرح ... متى يلتأم الجرح وترجع الاوضاع طبيعيه؟؟؟؟؟؟؟؟
4- الحركة بصفه عامة .. متى ارجع لحياتي الطبيعيه ... و شغل البيت والتنظيف لانه ماعندي خادمه والكل يقول لازم انتبه على العمليه وما اتعب نفسي بشغل البيت وشيل الاشياء الثقيله؟؟؟؟؟؟؟؟؟
5- هل ممكن اولد طبيعي بعد العملية القيصريه ؟؟؟؟؟؟؟؟؟
ومتى تنصحيني بالحمل مره ثانيه عشان طبعا بعد اذن رب العالمين اولد طبيعي ؟؟؟؟؟؟
(يعني بعد سنه او سنتين او اقل اواكثر)
6- سمعت انه اللي تولد قيصري .. ما يقدرون يعطونها طلق صناعي لو احتاجت .في الولادات اللي بعدها .. هل صحيح هذاالكلام؟؟؟؟؟؟؟؟؟؟؟؟؟؟؟؟؟؟؟؟؟
7- سمعت انه اللي تولد قيصري ما تقدر تجيب اكثر من 5 اطفال ... اقصد ما تقدر تولد قيصري اكثر من 5 عمليات.... هل صحيح هذا الكلام؟؟؟؟؟؟؟؟؟؟؟
8- الجماع !!!! متى اقدر امارس علاقتي الزوجيه طبيعي ؟؟؟؟؟؟؟؟؟؟
9- خل التفاح .. سمعت انه يشد الجسم وناويه باذن الله استخدمه على البطن ( الكرش) .. بس في نفس الوقت سمعت انه ماهو زين لانه يشد الجسم واذا ربي قدر واحتاجت الوحده عمليه ما يقدرون يخيطون الجرح لانه الجسم يكون مشدود مرررره .. هل هذا الكلام صحيح؟؟؟؟؟؟؟؟؟؟؟ظ
10 - بالنسبة لربط البطن (هو عباره عن قماش يلف على الكرش يساعد لرجوع البطن( الكرش) الى وضعه قبل الحمل والولاده)... متى اقدر استخدم الربط ؟؟؟؟
وكذلك بالنسبة للبس المشد ؟؟؟؟؟؟؟؟؟؟؟؟
11- تمارين شد البطن والمشي.. متى اقدر امارسها ؟؟؟؟
وهل تمارين شد البطن راح تاثر على العمليه؟؟؟؟؟؟؟؟؟؟؟
12- الحمام المغربي ( حمام بخار - حمام سونا ) والمساج متى اقدر اسويه ؟؟؟؟؟؟
13- واخيراً... ما سبب التفاف الحبل السري ؟؟؟؟؟؟؟؟؟؟؟؟ هل من الممكن طريقة النوم ... او حركتي لها تاثير؟؟؟ كثير من الناس تقول انه انا السبب بكثرة الحركه هل هذا صحيح؟؟؟؟؟؟؟؟؟
مع العلم انه حتى في حملي الاول كنت انام على ظهري وكنت اتحرك كثير واشتغل بالبيت والحمدلله ولدت طبيعي ... او هل حركة الجنين هي السبب... لاحظت في حملي هذا انه حركة الطفل كثيره اكثر من حملي الاول
اسفة دكتوره على الاطاله بس من جد ماعندي احد اساله وقلت مالي الا دكتورة عيادات عالم حواء.. ريحيني دكتوره ربي ان شالله يريح بالك .. ويرزقك وينولك اللي في بالك :)
موضوع جديد لتلقى الاسئلة للدكتورة راندة فخر الدين
متابعة النقاش، صفحة 188