بنات من متلي ماعندها احد تشكيله؟؟؟

لله المشتكي وله أبث حزني وهمي

الحمدلله أننا مسلمون نعرف الله

ندعوه

ونرجوه

ونستعين به

يارب لك الحمد

الله يفرج همي وهمك وهم كل مسلم

اختي عودي نفسك انك تشكين لربك
ترى ترتاحين كثير وهذا هو الاصل
ولاتكدرين خاطرك انه عندك خوات ولاتقدرين تشكين لهم ترى اغلب الناس اليوم علاقتهم باخواتهم علاقه رسميه والاسباب كثيره مو مكانها هنا
بس لاتحطين امل كثير على خواتك وتضيعين حياتك وانت تفكرين فيهم وليه مافيه انسجام او شيء ثاني ترى تتعبين
اختصري الوقت واتجهي لله فالشكوى لغيره مذله
وشوفي ابو الشباب وش يبي ولبي طلباته عشان ترتاحين انتي اولا وشوفي اعيالك وحياتك
هي ايام ورايحين عن هالدنيا ما تسوى نضيعيها بالهم والغم

واذا ضاق صدرك ودك تفضفضين كلنا اذان صاغيه كلنا خوات لك
والله ييسر امورك يارب

اشكي لله ياقلبي انا والله مثلك ماحب اتكلم لاحد حتى يوم امي موجوده الله يرحمها ماشكي ماحب اكدر خاطرها
وهي مريضه وكانت لي صديقه بمعنى الكلمه لاكن توفت الله يرحمها وبرضه مو كل شي اقوله لها وانا الي حولي
ماحب يعرفون عن حياتي الخاصه ابداً زبده الكلام شوفي الاشياء الي قالها زين الحلايا وحاولي انك تطبقينها او
تتغيرين الى الافضل وحلو انه يعلمك حتى اذا فيه اخطاء تصححينها والله يوفقك

هلا اخت ركايز...مشكلتي الاساسية مو زوجي
مشكلتي الوحدة..بس الله يعين
اشكي للي عينه ماتنام وانا اختك وهو سبحانه ادرى وأعلم بحالك وقادر سبحانه انه يبدل حالك للأصلح والله انا مثلك الوالده الله يرحمه وموتى المسلمين وخواتي صغار والكبيره لاهيه بحياته ومره عمتي قالت لي اذا صار لي اي مشكله اشكي لربي واتكلم بصوت عالي وسبحان الله ارتاح قالت لي جربي هاالطريقه وبترتاحين وعليك يأختي بكثرة الأستغفار ( من لزم الأستغفار جعل الله له من كل هم فرجا ومن كل ضيق مخرجا ورزقه من حيث لايحتسب ) وعليك باالدعاء وتحري اوقات الأجابه ومنها الثلث الأخير من الليل فسهام الليل لاتخيب وبين الأذان والأقامه واحسني من حالك وكل مايسؤ زوجك حاوليالتغيير والتعديل للأفضل وتوددي له باالكلام الطيب اسأل الله ان يسخره لك ويحنن قلبه عليك وان يجملك بعينه ويستر عنه عيوبك امين يارب دائم رردي اللهم سخرلي زوجي وحنن قلبه علي واللهم جملني في عينه واستر عنه عيوبي واظهر له محاسني وغيرها من الأدعيه وفقك الله واصلح شأنك يارب

فعلا الشكوى لله احسن شي
بس ساعات تبين احد يرد عليك ....اخت او ام
الله يرحم امك وامهات المسلمين
والله نفس حاااااااااااااالتك تقريبا .....
كمان انتي عندك صديقاااااااااات ماشاء الله .....انا مااقول ان ماعندي خير شر لا فيه بس وجودهم زي عدمهم ....
تجيني لحظااااات ابكي على حاااااااااااالي اعيش بين ووسط الناس وانا لحالي المي وحزني في صمتي ......
اقووووووووووووووووول لا خليهااااااااااا في القلب تجرح.................وما لنا لا الله ....الله يعيننا ...

سيلين ديون
الله يفرج همك
والزمان هدا مافيه صداقة من قلب كله مشي حالك





الله يفرجها لك ويسخر لك ابو العيال يارب
حبيبتي حنا كلنا لك اذن صاغيه
اكتبي مأشتي والله مستعدين نسمعك وناقف معاك بااذن الله


عارفة ماتقصرون والله








حطيتو ايدكم على الجرح بالذات ان الجرح من اهلي من اشكيهم له الله المستعان

هدا اشين شعور انه عندك اهل بس هم في عالم وانتي في عالم ثاني









اطرحي مشاكلك هنا في المنتدى

وكلنا اخواااااااات واكيد راح نساعدك

يعني تاخذي كذا راي افضل من انك تاخذي راي واحد فقط


وعادي اغلب البنات هنا يحبوا يشتكوا في المنتدى عشان لا احد يعرفهم

على قولتك لو اشتكيت لصديقتي او جارتي امكن يخافون على نفسهم من العين

ترى النت والمنتدياااااااااااااات حلت مشاكل كثيرة واصلحت اسر وعلاقات زوجية

لا تكدري على نفسك واذا حابة تطرحي مشكلتك مع زوجك

احناااا حاضرين وان شاء الله نساعدك

عارفة ماتقصرن بس احب اسولف مو شرط اشكي
تصدقين حضرت عرس من فترة وكان حلو مرة ونفسي اسولف عنه مالقيت احد اسولف له