سرب الحمامات(بيت الحب والايمان)خليكى واحدة مننا!!

السلام عليكم.....
هدى....ما تضغتيش على ايه فى الاكل ....دا كلام الدكتور لان السخونية بتبقى ماثرة على المعدة وبتخليهم عندهم استعداد عالى للترجيع ....شربيها سوايل دافية ...وعصيرتفاح بس ....بلاش لا مشمش ولا برقوقولا عنب......شوربة الفراخ الدافية ومعاها ليمون مفعولها خرافى هى والليمون الدافى بالعسل ....امبارح اسماعيل كانت السخونية عنده زيادة.والحاجات دى هى اللى وقفته على رجليه
بالنسبة للسخونية ...انا حقولكو على اللى حصل معايا امبارح
الاستاذ سموسى ...كان فى البداية 38...اديتله دوا السخونية....وكان واخد المضاد ...ولا حياة لمن تنادى
فضلت الحرارة فى ازدياد...لحد ما وصلت 39 ونص...اتصلت بالدكتور..."طبعا لا كمادات ولا خل ولا حاجة خالص كانت عاملة مفعول
الدكتور قالى ..."وقفيه فى البانيو وخلى المية تيجى على رجليه الاول...مية فاترة ...شوية شوية...وبعدين زودى المية لحد ما تيجى على ركبته....وعديها بشوية اقنعيه يقعد على ركبه ..وبعدين يقعد هو نفسه فى المية ويكون المنسوب بتاعها مش عالى ...يدوب عند نصه اللى تحت ...استنى شوية...وبعدين افتحى الحنفية والمية تزيد عليه كده بالراحة خالص.لحد ما توصل لسدره ...وبالراحة برضه ابتدى تصبى ميه على ضهره وبعدين بايديك بالراحة بلى شعره ووشه ...وخليه فى المية حوالى 10 دقايق ...
انا امبارح فعلا عملت كده...الولد ماصوتش زى كل مرة بعملو فيها كمدات وفعلا حرارة جسمة ابتدت تهدى ..وكان مبسوط وجبتله لعب فى المية ...وكل شوية يقولى مش حنقعد فى البنيو تانى...والحرارة نزلت الحمد لله وبقت 37ونص ...وطبعا بعديها اشتغلت فى السوايل الدافية وفعلا بقى يعرق اكتر...