عباءتك ... من أي الأنواع سادة أم مزركشة .. على الرأس ام على الكتف تعالي وتكلّمي بحرية

واسعة عالراس بدووووون اكمام قماش غير لامع قفازات وشرابات
اسألل الله الثبات
وما عندى اعتراض البس عباءة كتف واااااااااااااااااااااااااااااااااسعة وفوقها الخمار مو شيلة لالالا خمار "حق المصريات " يصل الى الى نصف الفخذ هذا ساتر
ممكن البسه فى السفر لسهولة الحركة والشناط طبعا القفازات والشرابات

لكن عباءة كتف ولو كانت واااااااااااااااسعة مع طرحة= شيلة ولو كبيرة والله يا بنات لانها تشششد يطلع حجم الصدر خاصة لو كان شوى كبير
وورا بعد يظهر حجمه صدقوونى
لكن اى شى فوق الراس ويتدلى ولا يشد استر بكثيير

عبايات الراس اللى بأكمام تقلص حجمها وين حجمها من عباة الراس اللى قطعة واحدة بدوون اكمام فرررق كبيير وظهر حجم الصدر والموخرة
والله يهدينا وبنات المسلمين

الحمدلله على الراس وساده ..

والله إني ماحب العبايات المزخرفة واايد

و أحب البس العباية السادة .. لكني مرات أضطر إني ألبس عباية مزخرفة

لأن أهل ريلي دايما يعطوني كلمات تجرحني بهالخصوص

والله مشكلة كبيرة .. و أنتوا طبعا تعرفون عبايات أكثر الإماراتيات

كلها مطرزة ونقوش .. و أهل ريلي دايما يقولونلي إن ريلي أخر شي بيشوف غيري

والله مب عارفة شو أسوي .. خصوصا إن شخصيتي ضعيفة وماقدر أرد عليهم

وموضوعج وااايد عيبني يالغالية .. وياليت يكون عندي صديقات يساعدوني على العباية

وقتها بيكون عندي شخص يساعدني عند أهل ريلي .. وربي يحفظم كلكم إن شاء الله