بنتي في خطر ساعدوني
اخواتي وحبايبي مشكلة بنتي من سنة ونصف اي من يوم دخلت الثانوية مالحقت خير ابنتي متعرفة على بنات الله يحفظنا كلهم اصحاب جوالات وانا في عيلتي اتعلمت البنت ماتمسك جوال الا في بيت زوجها في المرحلة الاولى ثانوي لاحظت على بنتي غير طبيعية ضعف جسمها ولا تاءكل ودايما سرحانة وجلست راقبتها ولقيت عندها جوال داسته في الدولاب وعاقبتها وبهدلتها من غير ولا احد يدري من اهل البيت وطلع انها معطية فلوس صاحبتها وجايبتلها هووتكلم واحد كلب الله يكرمكم وعدتني ماتكررها وقلت خلاص الحمدلله عقلت جيت بعد فترة طويلة لاحظت نفس الشي وبرضه لقيت جوال وكلمت ابوها وضربها وعاقبها لدرجة كان يبغى يفصلها من المدرسة وحلفت ماتكررها ودحين رجعت تاني كررت الموضوع نفسه وكلمت صاحباتها وهددتهم وكلمت المشرفة وقالت هادي المشرفة بنتك مو اول مرة تعملها وهددناها نكلم امك وقالت خلاص ياابلة ولا اكررها وقلت الابلة بنتك طيبة وعلى نياتها البنات اللي ماشية معاهم ماهم كويسين وشلت الجوال بس عندي خوف وعدم ثقة فيها قولولي ايش الحل معاها انا تعبت انصحها واكلمها وهي ولا فايدة معاها تعقل شوي وترجع زي ماكانت ايش الحل خايفة من اولاد الحرام لايضحكو عليها الله يسعدكم قولولي ايش الحل غير الدعاء لها:(