الموضوع مغلق

انا وزوجي متزاعلين وقالي كلام مثل السم؟؟؟؟؟/ قديم

السلام عليكم..........
الله يخليكم يابنات مافيه احد الجأله بعد الله الاانتم كنت من فتره طلبت زوجي فلوس وقال بعد اسبوع اعطيكي ولما فات اسبوع طلبته رفض قلتله انت وعدتني تعطيني قال اخر الشهر اعطيكي
لاتقولون يمكن مامعه الا معاة وانا متاكده من هاالشي وانا كنت مرررة مزنوقه ابغا اتقضا اشياء مهمه ماقدر انتظر اخر الشهر...بعدها زعلت {وليتني مازعلت}هو شافني زعلت قام يسب ويلعن واخذ يلعن امي وابوي مافيه كلمه ماقالها تحول شخص ثاني ماعرفه اول مره اشوفه كذا قال والله الأدبك وخليك تندمين والله لأطلقك واخذ وحده ثانيه تسعدني :icon33:اناكذا :blink:مدري وش الي صاربسم الله الرحمن الرحيم ماسويت شي يستاهل كل هاذا
والحين هو زعلان وطردني من المكان الي يجلس فيه الصاله اولنا الحين اسبوع هو الحاله ونا الحالي والله انه ضايق صدري بلمره من الكلام الي قاله ومسبته الأمي وابوي وش ذنبهم
الحين مدري انا اروح الأهلي علشان يخاف ومايكررها ولا يمكن تكبر السالفه مدري ودي شي تنصحوني به يردلي كرامتي ...والله اني ماني مقصره معاه بشي ابد اخاف انه صادق بكلامه يبغا يطلقني ويتزوج وش السواه الله يخليكم علموني وش اسوي ؟؟؟؟؟؟؟

63 تعليق 37,831 مشاهدة

شاركي في النقاش

سجلي الدخول لإضافة تعليق.

التعليقات

61
  1. @aasany_mabkyk

    نصيحه لاتدخلين اهلك بالموضوع

    وشوفي اذا هو عليه ديون والتزامات هالشهر فلاتلومينه لانهم يتنرفزون على اتفه شي اذا بالهم مشغول بالماديه

    فكيف وانتي تطلبينه فلوس بعد

    انا ماأبرر الفاظه معك لا اكيد غلط بس يعني لاتشيلين بخاطرك

    انا من رايي تظلين على منتي عليه وتحاولين تتحاشينه وبس تقومين بخدمته بدون كلام وبدون تبسم

    وهو بيحس بغلطته وبيجي يقولك انا كنت مضغوط و و ويتعذر لك حزتها كلميه وقوليله بأسلوب حلو انك ماتخيلتيه يتلفظ كذا

    وانه وش دخل اهلي وحسسيه بالذنب وخوذي منه وعد انه مايكررها

    والله يسهل اموركم يارب

    مودتي ..
  2. @shtha_algnan

    الله يعينك ...

    إلجئي لله بالدعاء والتضرع والاستغفار والله له أثر عجيب بإذن الله وناس كثير جربوه خلي السبحة بيدك ولسانك

    يلهج بالاستغفار بكل صيغه والله وبحول الله بتشوفين إذا ما هدأ من نفسه ويمكن يجيك ويعتذر لك بعد ،،،، بس كوني

    صادقة بتوكلك على الله ويقينك راسخ بأن الله بيرده لك رداً جميلاً ، وادعي اللهم اجعل نقمته عليَّ برداً وسلاماً

    يا من جعلت النار برداً وسلاماً على ابراهيم ،،،،، اللهم يا من ألنـــت الحديــــــــد لعبدك داوود ألن لي قلب زوجي

    وكثري من قول لا حول ولا قوة إلا بالله .... والله يفرج همك وييسر لك أمرك ويهدي زوجك ويسخره لك ويرده

    لك رداً جميــــــــــلاً ....

تابعي تجارب أخرى من هذا القسم.