هذي قريبتي تقول لي سالفتها
تقول
اني تعبت من حبوب منع الحمل
نفسيتي خربت
ولا صلحت لي ولا نوع <جربت اكثر من نوع
ولا تقدر تركب لولب الا بالبنج الكامل على حسب كلام الاخصائية النسائيه وخايفه المصرقعه < ما الومها والله
المراد
ازعجت رجلها على سالفة الحبوب
هي صدق مسيكينه تتعذب اذا جت تاكلها تحس انها ماتنبلع وانها واقفه في حلقها خخخخخخخخ
وتقول ماااانعرف للعزل
في يوم قرت
عن سالفة ابرة منع الحمل للرجال
جلست تقلبها في راسها
الحييييييييييين هو ينبسط ويستانس ويخش جو
!!!وانا اللي ازط وابلع في ذا الحبوب اللي ضارتني وعلى حسابي يامال الوجع !!!!
تقول :
خل احاول فيه ياخذها يا مال العافيه
وتحاول فيه على مدى شهور وتمثل وتستهبل وتتمسكن ليييييييييييمه في الاخير وافق
وش صار ؟؟
راحت الملقوفه تكلمت عند وحده من خواته
راحت تعلم امه ههههههههههههه
وتقوم امه تنسف السالفه عن بكرة ابيها
وهم جالسين مجتمعين وسوالف حريم
تكلمت ( اياك اعني واسمعي ياجارة )
تكلمت عن الابر والحبوب وعن مضارها
واستلمتها على بالها تمزح وهي تكلمها :
هاااه انتبهي تخلين ولدي ياخذها تراي ماعفته وابي اشوف 10 من عياله < يا حظها الردي
وامه تكمل : اصلا الكل بيضحك على اللي ياخذها
الابر والحبوب للحريم وبس !!!!!! < خير ان شا الله
*
*
*
قلت يالملقوفه وراتس فليتي السالفه عند اخته يالسبهه !!
إستعينوا على قضاء حوائجكم بالكتمان << ماقد سمعتي بالحديث ذا ؟؟ ياخسارة تعليمي فيتس !!! < خخخخ
المشكله يوم درا رجلها بالموقف اللي صار قال : أمي صادقه انت مصدقه اصلا اني ابي اخذ الابرة !!؟؟
وجع بتدخلون المساواة وحقوق المرأة في الحبوب بعد ههههههههههههههه
تاكلين حبوب وللا إحملي ما علي منتس !!!!
يا قلبي لها
وش رايكن ياحريم ؟؟
هل تعرفون أحد ياخذ الابرة هذي ؟؟
وهل المنسمه شطحت كثير يوم تخيلت ان الموضوع بيمشى بسهوله !!
وليش الرجال يفكرون في رجولتهم اللي بتخرب اذا خذوا الابرة ؟؟
يعني الحريم مايخافون ومايتأثرون من حبوب منع الحمل !!
اللي البعض تاكلها كل يوم وعلى مدى سنين ؟؟
الله المستعان بس
