هذا رقمي الجديد ورجاءا لا تدقين علي ؟؟؟؟

اهلين بنات كيفكم اليوم ؟؟؟؟
بدخل بالموضوع على طول

جتني رساله البارح من صديقه قديمه من ايام المتوسط كنت اكلمها وتكلمني على بيتي (انا متزوجه وهي لا )عادي
وعندي رقم جوالها بينا رسال واتصالات مثل باقي خلق الله <<<اخلصي

واول مافتحت الرساله شفت رقم غريب
ونص الرساله تقول انا فلانه الفلاني وهذا رقمي الجديد (عرفت انها بتتزوج )لانه عاده عند البنات يغيرو ارقامهم اول ما تنخطب <<مدري سنه والا البنات لهم ارقام المتزوجات لهم ارقام عند شركه الاتصالات (الله اعلم )
المهم تقول هذا رقمي وما استقبل الا رسايل <<يعني لا تفكري انك تدقين لاني مو راده عليك
طيب ليه
بسرق زوجها منها يعني والا خايفه من العين طيب انا متزوجه قبلها
عاد حذفت الرساله ولا سيفت الرقم لانه الي ما يبيني ما ابيه
لكن حرام لنا عشر سنوات يعني عشره عمر
تنتهي الصداقه كذا

ليه ؟؟؟؟ ابي افهم
انا تزوجت ولا قطعت علاقتي باحد من صديقات ولا قريباتي
وتعاملي معهم مثل اول ما تغيرت ابد

على فكره بعضهم يكون كل همها زوحها واهله واقاربه وتنسى صديقاتها وقرايبها
مفروض تكون علاقات جديده بس ما تتناسى القديمه

بس ياليت كل وحد تقول عقب الزواج قطعت علاقتها بصديقاتها او لا ؟؟؟؟؟والي قطعت علاقتها ليه فيه سبب والا اوامر سي السيد ؟؟


انتظر ردودكم

في رعايه الله

67 تعليق 7,655 مشاهدة

شاركي في النقاش

سجلي الدخول لإضافة تعليق.

التعليقات

62
  1. @km_afrst_1

    الله يعينها على نفسها مسكينة وحدة بوحدة حتى انتي عزي نفسك وخليك رسمية معاها وبترتاحين هي بس شافت نفسها عليك عشانها بتتزوج وتصير عروس هذا وانتي متزوجة قبلها مصيرها بترجع لك وتتودد لك اعرف ناس كثير كذا يغترون في البداية تحيااااااااااااتي..
  2. @akht_mhmd_1

    طيب ليه هي كذا؟؟؟

    ماحاولتي ترسلين لها او تتصلين تقولين نبي نتفاهم واساليها ليش؟؟؟

    لازم تتاكدين اول من ظروفها ووضعها وسبب ارسالها للرساله مهم هالشي؟؟

    طيب خير ان شاء الله واذابتتزوج؟؟

    الزواج عمره ماكان عائق في طريق علاقاتنا

    الخلل في بعض الشخصيات انفسهم

    لمن تتزوج تنغلق مدري غرور او خوف

    انا مومتزوجه لسي فتاه

    لكن لوقدر لي الباريء سبحانه زوج

    فلن اترك رفقتي وعلاقاتي الاجتماعيه من اجل انني ساتزوج

    بالعكس علاقتي القديمة بحافظ عليها واسقي بذورها بالوفاء

    واتواصلي معاهم ع قدر استطاعتي

    وازورهم واطلب منهم زيارتي في بيت الزوجية

    نرجع ذكرياتنا الجميلة واولادي يتعرفون ع اولادهن

    عادي مافي اشكالية


    وحتى لو اتعرفت ع اهل زوجي واقاربه مو بسبب كبير يجبرني اتركهم

    وعمر الزواج ماكان رفعة ونفخة راس

    الزواج استقرار وحياة جديدة

    وتوثيق علاقات جديدة

    مع الحرص ع القديمة ..
  3. @htam_anth_2

    صاحبة الموضوع
    مشكورين على الردود
    انا ما حاولت اتصل والا اسئل
    حذفت الرقم على طول لاني اعرف حركات البنات ومو اول حده تسوي فيني كذا
    والي مايبيني ما ابيه
    وعلى فكره احنا من نفس المدينه وعائلتهم تعرف عائلتنا
    يعني عجزت افسر السبب
    وهي الي كانت تدق على اول اكثر مني
    بس شلي غيرها مدري

تابعي تجارب أخرى من هذا القسم.