تكفوووون يا المتزوجاات الدبدوباااات ادخلووووووا الله يفرج هموووووومكم تكفووووووون

ماتأثر ياحياتي على العلاقه ان شاء الله

اولا اختي الحياه الزوجيه اكبر من انها تعتمد على هذه الاشياء صدقيني غلط ترفضي عشان سبب بسيط زي كذا
ثانيا جربي تسوي رياضه للفخوذ خاصه
ادخلي اليوتوب واكتبي بالانجليزي تمرين الفخوذ اوتمرين للسليولايت وراح تلقي
قبل كم يوم شفت برنامج اختبرو فيه 4 مستحضرات للسيليولات كان افضلها هو كريم نيفيا لسليولات وكمان هو ارخص واحد فالاربعه

ويسعد قلبك يا الماستنا ولا تنسي استخيري الله واذا الرجال طيب لاتوقفي نصيبك عشن جسمك وصدقيني يالغالية كل مشكلة ولها حل **** الله والله وحدة من صحباتي كانت دبدوبة مرررررة وجسمها انواع البقع والترهلات وكنت داايم اشيل همها وقول ي الله كيف بتتزوج تدرين يش صار ؟؟؟

ما شا الله والف من ذكر الله مابين خطبتها وزواجها كانت فقط 4 شهور تغييرت فيهم تغيير جذري
مشيت على رجيم وكانت كل يوم تروح ممشى الهلتون تمشي ساعتين
واخر شي اخذت برنامج العروسة بصالون ريما قبل فرحها ب20 يوم

والحمد لله تزوجت وعاشت مبسوطة ما شا الله وانتي تقدري تكوني احسن منها

الله يسعدك ويوفقك يارب

أقسم بالله أحرجتوني بطيبتكم وكلامك الحلو اللي حمسني وما أدري وش أقولكم لكني ما أملك غير الدعاء لكم بالتوفيق والسعادة وإن شاء الله ربي يفرج همومكم ويحقق آمانيكم

اختي العزيزه الالماسه
انا كان وزني من زماااااان ((قبل 8 سنوات)) قريب من الميه
ونزلته الى 57 كيلو
بالرياضه والاكل الصحي والمنظم وعن قناعة تاااامه مني
والله العظيم كان كل اللي يشوفني يقول هذي مستحيييييييل تنحف ،،لا وازيدك من الشعر بيت كنت سمممممرا وشيييييينه بس من يوم نحفت
واللهم لك الحمد تغيرت ملامح وجهي ميه وثمانين درجه وصرت احلا اخواتي واطولهم والله العظيم
اني ما اجاملك ولا ابالغ باللي اقوله
انصحك نصيحه اخت جربت كل انواع الرياضات والدايت
انك تلتزمي بالهروله،،ادري انها متعبه في البدايه
انا كانت تتعبني وتقطع نفسي،،،بس مع المزاوله المستمره راح تنجحين
ابدي اول شي 10 دقايق وبعد اسبوع مثلا زيدي خليها 15 دقيقه وهكذا
راح تلاحظين ان لياقتك ارتفعت وتقدرين تكملين الى وقت اطول واهم شي تتنفسين زييييين وانتي تهرولين

كنت من قبل كسوووووله ما اتحرك بس كل همي الاكل والبلع والنوم والدراسه
والحين ولله الحمد والمنه صارت الرياضه جزء لا يتجزآء من حياتي اليوميه واحبها حيييل
صدقيني راح تنجحين مثل ما نجحت والترهلات هذي تبي تخف
ما راح اكذب عليك واقولك انها بتروح 100٪
ولكن بتخف كثيييييير مع الهروله وتمارين الشد وهذه جدا مهمه
عشان مايترهل جسمك
انصحك نصيحه لوجه الله اشتركي في نادي نسائي للرياضه وخلي المدربه تحطلك برنامج يناسبك
لان اللي يناسب غيرك يمكن مايناسبك،،وانا ما ادري اذا انتي عندك اي مشكله صحيه لا قدر الله
اتمنى لك التوفيق وزواج سعيد باذن الله