شاركي في النقاش

سجلي الدخول لإضافة تعليق.

التعليقات

2,236

  1. @egypty

    السلام عليكم روشان شكرا لردك بدام قولتي طريقته يبقى اكيد دوقتيه
    محبة السول يالى جربي وقوللنا
    تسلم ايديكم الله يخليكي ومنظره الاكلات
    نيرمو بعتلك عالخاص
    ميرو الف سلامه عليكي وعلى ابنك وماتزعليش من نفسك كدا دى حالنا انا كدا بقالي فتره مش بعرف انام غير الصبح بس بستغل ده في الطبيخ والتنضيف واحط الهدوم في الغساله وانشر الصبح بدري وادخل عالنت بس طبعا نظام غلط في غلط ياريت نشجع بعضنا عالنوم بدري والصحيان بدري
    انا اعرف واحده متعوده تنام هيه وولادها على الساعه 10 ويصحوا الفجر يمارسوا حياتهم انا جالي فتره كنت بعمل كدا واجي على الساعه 8 مش 10 والاقي نفسي قتيله بس ماكنتش بتقابل في جوزي ولو مانمتيش بعد العصر احسن بكتير في اصلا حديث عن مساوء النوم بعد العصر بس مش فاكره الحديث اهتمي باكل الكبده والكيوي والبروكلي والبتنجان الاسود لما تخلليه اوتعمليه بابا غنوج
    ام سوسو انا بصراحه طبقت واجب الحمد فقط وان شاء الله اقعد مع نفسي وادعو ربنا
    ببببببببببببببوتا انت فين
    ennروحتي فين
    ام يوسف مش معبراني
    ام البنات يابختك ماشاؤ الله اللي ربنا يرزقه بثلاث بنات ويحسن تربيتهم وتعلمهم دينهم بيدخل بيهم الجنه قالوا يارسول الله طب لو اتنين قال ولو اتنين
    عروس عطر شيمو ميرو كل البنات زوجه مصريه بلو روز ارجو عفو ربي لميا روانيو روني بلادياتي سلام للجميع

  2. @3aroos_elneel

    السلام عليكم ورحمة الله وبركاته
    اللهم أقسم لنا من خشيتك ما يحول بيننا وبين معاصيك ومن طاعتك
    ما تبلغنا به جنتك ومن اليقين ما تهون به علينا مصائب الدنيا
    ميرو هونى على نفسك الحمد لله ان ربنا لطف والامر بسيط
    وده كرم من ربنا كبير انه لطف بيكى ولو حكيت لك حوادث ابنى
    وانا جنبه مش معنى كده انى مقصره لا بس ربنا بيلطف بينا وبيهون البلاء
    وكلنا ماشيين بالفيتامينات واهتمى بأكلك مع الحبوب
    كيلو عسل عليه خمسه جرام حبة البركه مطحونه قبل الخلط مباشرة
    مره فى اليوم مقوى ومفيد
    والبنجر صديق ملازم لنقص الحديد جربى مسلوق او سلطه
    بأى طريقه تفضليها ممتاز جدا
    ام البنات بسعد بيكى جدا لايجابيتك وحبك للتغيير وعدم الاستسلام
    والرضا بالحال مش معنى الرضا بالحال اننا نتسخط لا اننا نرضى بحالنا
    ونقول صعب التغيير لازم نتعلم كل يوم جديد ونغير من طباعنا ونقاوم
    ونعيش بايجابيه
    حبيبه الف سلامه عليكى شوفى النموذج ال حا احكى عنه ان شاء الله يفيدنا كلنا
    لاننا بنتكلم عن الايجابيه وعدم الياس
    والدتى تعبت وعندها تآكل فى مفصل الركبه والعمليه كل الاطباء الثقه
    نصحوا انها خطر وممكن تصاب بشلل يبقى تحمل الآلام هو الحل
    تعبت نفسيتها جدا وفجأه من الحركه والنشاط لقائمه من الممنوعات
    زميلتها فى العمل هونت عليها الامر وقالت لها احمدى ربنا
    انها فى ركبه واحده اختى فى الركبتين والآلام اشد
    لكنها بتقاوم وهى محبه جدا لعمل الحلويات والتورتات
    اشترت كرسى متحرك تتحرك بيه فى داخل البيت
    وفى المطبخ وماست حياتها عادى ولازالت مبدعه فى الحلويات
    فكان حافز لماما انها تقاوم ونفسيتها الحمد لله اتحسنت جدا
    وكل ما الالم يزيد تتذكر ان حالها احسن من غيرها
    وبدأت تغير من نظام حياتها بما يتوافق مع ظروفها الصحيه
    وبابا عمل لها كرسى رجليه طويله تقعد عليه تغسل الاطباق
    وتطبخ وهى عليه فاالتأقلم مع اوضاعنا واننا نكيف حياتنا مع الوضع الجديد
    بيهون مشاكلنا وامراضنا وربنا يشفى جميع مرضانا ومرضى المسلمين
    عطر عملت نشا وزيت اللوز بجد تحفه جزاك الله خيرا وربنا ييسر لك كل امورك
    ويصلح حالك ويرزقك كل ما تتمنى
    منى قلقتينى عليكى ربنا يفك كربك ويصلح لك حالك
    نيرمو انا الحمد لله لبست النقاب من 19 سنه بعد ما خلصت الثانويه العامه
    كنت اول حاله فى العائله قابلت انتقادات كتير من كل المحيطين
    لكن بفضل الله كلها كانت بتثبتنى اكتر ولبسته وانا مش عارفه هو فرض ولا سنه
    ولا فضل فقلت فى نفسه ان كان كل دول فبيقى كرم من ربنا انه يسر لى الطاعه
    وان كان غير كل دول يبقى جهاد للنفس وحب وقرب لله فهل لو تقربتى لله بطاعه
    هى مش فرض يرفضها منك ولعل حر الدنيا بالنقاب تبعد عننا حر جهنم
    اللهم ثبتنى حتى الممات وتوفنى على طاعه
    فلو لبستيه حب وقرب لله وجهاد لنفسك حا تكونى مستمتعه بكل قيوده لانها كلها
    فى ميزان حسناتك وكل تعليقات المحيطين حا تزيدك تمسك لانه ا بتزيد فى رصيد حسناتك
    النقاب مش عشان نوفر فى اللبس ونوفر فلوسنا لازم تكونى منقبه شيك جدا
    ولبسك غير منتشر تكونى مميزه وقدوه بمظهرك ان كل من يشوفك يحب النقاب
    ويتمنى يكون بأناقتك وميزة الاسدال انك حا تلبسى كل لبسك تحته يعنى مش حا تحتاجى ملابس جديده
    وفى الاسدال الخليجى منه اشكال كتير ومميزه مش منتشره شوفى المحل ال قالت عليه ام سهيله
    لو ما عجبكيش منه حاجه ارسلى لى مقاساتك على الخاص ولا تحرمينى من اجر انى اهديكى الاسدال
    بالنسبه لتعليقات الناس وانا فى عيادة دكتور اتعرفت على وحده بتقولى نفسى البس النقاب بس خايفه
    لان اخت زوجى جالها حاله نفسيه بعد ما لبسته وراحت لدكتور فاستغربت ليه قالت لى من كتر تعليقات الناس
    النقاب مش فرض ايه ال انتى عملاه فى نفسك ده ده تعقيد ده غلو
    فقررت قلع النقاب الكل لامها وكانت مصار للضحك منهم كلهم لما انت مش قد الخطوه دى ختيها ليه
    فندمت اكتر انها قلعته فارضاء الناس صعب واقرب شبه له قصة جحا وحماره
    اكثرى من الدعاء وقربى من ربنا اكتر وابدأى غيرى من استايل لبسك
    وتوكلى على الله فأنتى بتتقربى للكريم وبتجاهدى نفسك
    تسلم ايديكم من حسن حظنا انضماك لينا جزاك الله خيرا
    ام سوسو جزاك الله خيرا ومنتظمه على المنهج وبدأت بالحفظ يالا مين يتشجع
    رشا تسافرى بالسلامه ان شاء الله وما تنسيناش من صالح دعواتك
    سبحانك اللهم وبحمدك اشهد ان لااله الا انت سبحانك انى كنت من الظالمين

  3. @pooota

    السلام عليكم ورحمه الله وبركاته
    ام البنات ازيك عجبتنى جدا فكره الاجنده لانى اغلب مشاكلنا ماديه علشان مش عارفين نسيطر على المصروف ربنا يسهل واحاول اعملها
    ميرو الف سلامه عليكى وعلى ابنك انا شايفه انك محمله نفسك فوق طاقتها هونى على نفسك
    انجى زعلانه منك مرتين مره علشان مطنشانى ومره علشان ما نبهتنيش ان الصوره كانت موجوده على الماسنجرماشى لما نتكلم لازم تاخدى منابك من الى حصلى
    المحبه للرسول ازيك طبعا شكلك نسيتينى
    ام سوسو ازيك وازاى بناتك سالت على المنهاج بتاعك وعلى الاحاديث ومحدش رد عليا
    ام يوسف ازيك وازاى الولاد
    كل البنات سلامى للجميع متبعاكوا بس النت عندى فظيييييييييييع

  4. @mama_zozo

    POOOTA
    السلام عليكم ورحمه الله وبركاته ام البنات ازيك عجبتنى جدا فكره الاجنده لانى اغلب مشاكلنا ماديه علشان مش عارفين نسيطر على المصروف ربنا يسهل واحاول اعملها ميرو الف سلامه عليكى وعلى ابنك انا شايفه انك محمله نفسك فوق طاقتها هونى على نف…
    الحمد لله والشكر لله

    جت بسيطة وبخير

    مفيش كلام اضيفه بعد البنات علشان هيكون مكرر

    لكن اعتبرسه يو سئ
    وتذكرى جميع ايامك الجميلة

    عندما نكون مرهقين ومتعبين نرى الاشياء
    رماديه مضببه

    مر اليوم والحمد لله
    ناخد العبرة
    ونزيد خبرتنا فكرة

    ونأمل الافضل والاحسن


    واحسن حاجة عبانى فيك

    صباحكم نادى ابن زبادى
    انا مش بحب الزبادى


    بحبك جداااا ياميرو السريييييييع


    يارب اشوفك فى احسن حال
    واروق بال

  5. @ahl_hya

    ما شاء الله عليكو تبارك الله

    والله عن جد لما اقرا مشاركاتكم احس براحة عجيبة وقد ايه معجبة بصداقتكم وعلاقتكم ببعض

    وكمان تشجيعكم وتحفيزكم لبعض على طاعة الله ورسوله

    انا متابعتكم من زمان من ايام الملف الاول بس ما كنت اشارك لانو مشكلتى اللهجة المصرية ما اعرف اتكلم كتير بيها
    انا جزائرية ولو حكيت باللهجة الجزائرية ما احد راهح يفهم على

    على العموم ربنا يوفقنى واقدر ادخل واشارك معاكم
    والله انا استفدت منكم كتير

    ونفسى اكون صديقة ليكم لانو فى بعض الاحيان بيجينى كسل وخمول فى الطاعة

    الله يوفقنا جميعا لما يحبه ويرضاه

    ويجعلنا عونا لبعضنا بعض على طاعة الله

تابعي تجارب أخرى من هذا القسم.