طاقة أمل (خبرات متبادلة حول مراكز العقم فى مصر) ج4

صباح الخير يا احلي بنات في الدنيا
معلش غبت عنكم الكام يوم اللي فاتو علشان انا في الويك اند مش بعرف ادخل علي النت خالص سامحونيي
معلش يا رمال سماح المرة دي ،والف شكر علي المعلومات القيمة اللي جبتيها هيه فعلا مفيده ربنا يجزيكي خير يا رب ويخلييلك انوس

اشتقت ربنا يسعدك في السفرية يا حبيبتي وترجعي بالسلامة انا علي فكرة اخدت خلاص الحقنة الأولي من اسبوعين كدة ربنا يعين

بوبا حمدا لله علي سلامتك يا قمر وكويس انك هتشوفي اخبار الكيس ايه ، ضروري اوي تتابعيه باستمرار علشان لو حجمة زاد اوي تلحقيه وربنا معاكي يا حبيبيتي

سارة ودودو عاملين ايه وحشتيني والله

أم أنس انا عايزة اقولك حاجة بخصوص الاندومتريوزس لأني طبعا خبرة في الموضوع ده ، بصي يا سيتي حتى لو افترضنا انك عندك اندومترويوزس مش مشكلة المهم انها متكونش مأثرة علي انتاج البويضات
يعني بمعنى اخر لو انتي التبويض عندك كويس والانابيب مفتوحة يبقي مفيش مشكلة وممكن يحصل حمل عادي وطبيعي
المشكلة بتتكون لما الاندومتريوزس بيكون حجمة كبير وبيكون ضاغط علي المبيض فبيأثر علي جودة البويضات وممكن يؤثر علي الانابيب ويعمل التصاقات فيها ، لكن لو انتي مطمنه علي الأنابيب والتبويض يبقي خلاص كأنك معندكيش حاجة ، وربنا يوفقك يا حبيبتي

أوشي وشيمو وطماطم ومشمشة وكوكر وباقي البنات عاملين ايه ربنا يسمعنا عنكو كل خير

ازيكم يا بنانيت ,
و مش محتاجة اقول لكم وحشتونى اد ايه
بوبا الحمد لله رجعتك لينا
ونيفو الف سلامة للعضلات و المفصلات اللى ضاعت فدا المطبخ
سارة ايه اخر الاخبار؟؟؟؟؟؟؟؟
رمال ايه النشاط ده و بنقول انس تعبك دا باين علينا احنا اللى تعبنين
اوشى لكن البيتزا كانت بيتى و لا دلفرى؟؟؟؟؟؟؟؟؟؟؟
دا السؤال اللى بيفرض نفسه!!!!!!!!!!

نوفى حبيبتى .. تحالى لحمو يا ولا ..

ياريتنى كنت قفشتك قبل ما الناس يجولك البيت كنت اديتك الوصايا العشر اصلى خبرة فى المسائل اللى زى دى ..
اصل احنا عايشين هنا لوحدنا وقرايب ماما وبابا فى البلد علشان كده تلاقينى متعودة على استقبالهم لما بييجوا يزورونا ..
عموما التجربة خير معلم يا حبيبتى واكيد انتى سديتى انا عارفاكى لهلوبة .. ومتأكده انك رفعتى راسى والف سلامة عليكى يا قلبى انتى محتاجة تريحى بس يوم ولا حاجه وهتبقى تمام ..
بس تعالى قولى لى اخبار الدايت ايه اوعى تكونى لخبطتى اليومين دول .. ماصدقنا طلعنا قدام خطوة ...

أم أنس .. انتى فين يا حبيبتى لا كده انا قلقت والله بجد .. كل يوم اقول هشوفها دخلت ومش بلاقيكى .. لا بالله عليكى مش ناقصين خضه عليكى ارجوكى طمنينا .. يارب تكونى بخير يا حبيبتى

هدييييييييييييير ... لولولولولولوى الف الف مبروك .. يارب ياربنا يكبر ويبقى قدنا .. مبارك عليكى يا حبيبتى ربنا يحفظة لك يارب ويجعله من حمله القرآن


توتا ازيك يا حبيبتى عاملة ايه .. وحشتينا اليومين بتوع الويك اند دول بس خلاص اهم خلصوا ورينا الهمه والنشاط

دودو ام جوجو ..
مش عارفه اقول لك ايه .. بس تصدقى بالله أنس عيان منى جدا بقاله تلات ايام ومورينى الويل ومفيش نوم ولا انا ولا هو والنهاردة كنت خلاص نازلة بيه للدكتور بتاعه من كتر ما هو تعبان

صدقينى يا دودو مش معنى وجودى معاكم ان الفراغ واخد حده معايا .. لا يا حبيبتى ربنا وحده اعلم بالظروف بس انا مبحبش اتكلم كتير فى الحكايات دى المساله مش مسألة فضا وقت ولا روقان بال ..
المسأله بس احساس الواحد بالمسؤليه تجاه الملف ده وده اللى بيخلينى احاول بكل جهدى انى ابقى موجوده بإستمرار
ولانى عارفه يعنى ايه الواحده يتأخر حملها يا دودو وانا مش بتكلم عليكى لا يا حبيبتى الحمدلله ان انتى ما مرتيش باللى مرينا بيه
انا بتكلم على اللى ما حملوش خالص من ساعه ما اتجوزوا لانى كنت منهم وعارفه احساسهم كويس
وعارفه معنى احساس ان الواحده لما تكون نفسيتها تعبانه بسبب الموضوع ده ..
علشان ده بحاول اكون حريصه جدا انى ما ابعدش عنهم الا للشديد القوى ويمكن البنات القدام عارفين عنى ده كويس

وربنا يخليلك جوجو ويبارك لك فيها يا قلبى

ازيكم

وحشتوني كلكم