شاركي في النقاش

سجلي الدخول لإضافة تعليق.

التعليقات

110

  1. @gn_algnaaaan

    اختي
    بنتك بحاجه الى شئ ناقصها وهو
    الحنان والدفء من الاب والام دايم اشبعوا غريزتها من الحب احتظنيها قبليها امسكي يدها سمعيها كلام حلو حتى لاتبحث عن ذلك بمكان اخر لاتقولين كبرت على هالشئ بهالفتره بحاجه ماسه الى تفريغ شحنات الحب الجياشه اذا لم تفرغوها في البيت اخرجتها في الحرام

    2- بحاجه الى اشباع روحي دايما اذا ركبتوا السيارة حطوا بالمسجل اشرطه دينيه وتلاوات للقران الكريم
    3- بحاجه الى دعواتك لها بالستر والعفاف والهدايه
    4- الان هي تشعر انها فقدت ثقتكم فدائما اشعريها انها ثقه ولاتحسسيها انك مراقبتها
    5- بحاجه الى علاقات اجتماعيه وصداقات صالحه فابحثي لها عن نادي او صديقات صالحات او قريبات

    الله يستر على بناتنا ويوفقهن

  2. @dmoaa_alhb

    حرام عليكم يابنات الي يقولون عطيها الجوال وان السبب انك حرمتيها منه
    والله مو صحيح هالشيء ,,
    اختي عطيناها جوال قدام عيونا وعمرها 16 سنة والبنت هادية وطيبة وماتوقعنا
    بيوم انها تسوي هالشيء علموها صديقاتها بالمدرسة تكلم شباب وصارت تكلم
    سبع شهور محد داري مع ان اهلي مايغفلون عن مثل هالامور بس كانت تكلم
    بوقت النوم ومحد داري ,,

    شجعها كثير ومدحها كثير ولاحظنا اهتمامها بشكلها الخارجي مرة وبجسمها وتسأل
    شرايكم فيني وطول اليوم قدام المراية اثاريها تلبس وتكشخ وعلمها على مكالمة الفيديو
    كلمته اكثر من مرة فيديو يقعد يتغزل فيها وبالاخير طلبها توريه مناطق من جسمها
    والله كل ما اتذكر ابكي ,,

    صدقته بكل شيء وحسته هو الوحيد الي يحبها علمته اسمها الرباعي ومدرستها
    وكم عددنا واسماءنا واسماء ازواجنا ووين ساكنين بأي منطقة ,,

    كشفنا الموضوع اخذنا الجوال صارت تستخدم جوال اي احد من العائلة بدون مايدرون
    لما يغفلون عن الجوالات وعنده ارقام العائلة والبيت ,,
    ولما تقعد ايام ماتكلمه يدق على البيت ويسكر عشان تفهم وتدق عليه ,,

    لما عرفنا بهالشيء سحبنا جوالات البنات وامي كمان وصار بس ابوي الي معه جوال
    والبيت فصلنا التليفون على طول ,,

    بس الى الحين مو مرتاحين حاسين ان فيه شيء من ورانا بس ماحنا عارفين عنه ,,



    كل يوم ادعي رب العالمين الله يطلعنا من المصيبة على خير الله يسترنا بالدنيا والاخرة
    ويحفظ اختي من هالمجرم ,,

    وعلى فكرة صديقاتها لما دروا ان جوالها سُحب منها قالوا طلعي جوال جديد
    بس احنا واقفين معها ونحذرها ونخوفها ونقول ان كل شيء بيصير ضدك وتنفضحين
    وهو بيطلع منها ,,

    والحين ننتظر نتيجتها من المدرسة تنجح يارب وننقلها مدرسة ثانية ,,



    نصيحة لا تعطين بنتك جوال ,, اشغليها بشغل البيت لا تخلين الشغالة تشتغل
    ترى اختي كانت فاضية والشغالة موجودة ومحد يعطيها وجه يسولف معها
    طول الوقت الكل يهمشها ويستهزء فيها من باب المزح بس هي حساسة مرة
    لما جلست معها قالت لي مافيه وناسة بالبيت مافيه طلعات ولا شيء دائما مشاكل
    طفشانة وفاضية ,,

    وهذي النتيجة ,, الحمدلله ,, الله يحفظ اختي وبنات المسلمين ويشغل كل من
    يلعب بأعراض المسلمين والمسلمات بنفسه ويرد كيده في نحره

  3. @aathbny_alshok

    التهميش والوحده اهي اللي خلتها كذا مو يعني انكم تزوجتوا تتركونها بروحها وسوالف وحش واهي مطرودة هذا راح ياثر عليها ويخليها تبي خصوصية مثلكم وعندنا هالمشكلة بس نحاول نعوض بالصديقات و بقراباتنا وانقلوها لمدرسة جديدة

  5. @myar_alshryf

    الله يعينك عليها ويحفظها لكي ويستر عليها دنيا واخره ويبعد عنها بنات الحرام واولاد الحرام وييسر امرك ويسهل عليكي تربيتها واللجأي الا الله وباذن الله يفرجها ربي

تابعي تجارب أخرى من هذا القسم.