غدا التسجيل بجامعه الامام محمد بن سعود عن بعد ( تجمع للجادات )

~ Falsfat Alwan ~

آلله يجزآتس الجنه ووآلديتس على هـ الموضوع :$

بس يآختي عندي كم سؤآل :$

ويجزاك خير يارب .. :27:

س1/ دخلت تو للموقع لقيت التسجيل مفتوح , بس مكتوب فوق [ الفصل الدراسي الصيفي 1429 - 1430 هـ ] يعني معنآه أنه ترم صيفي مهب الترم الآول حق بدآيه السنه صح ؟ <<< ترآه تعرف تشرح :D

صح :hahaha:

س2/ إذا كآن التسجيل المفتوح ألحين للصيفي , فـ متى يفتح التسجيل لـ بدآيه السنه آللي هو الترم الأول ؟

اكيد قبل بداية الترم بفتره يعني بيكون برمضان او ببداية شهر 10

س3 / كم سنه الدرآسه بتخصّص [ إدآرة أعمآل ] ؟ وهل الريآضيآت والأحصآء مُعقدّ وإلآ معقول ؟

ادارة الاعمال وكل التخصصات 4 سنوات مع الترم التاهيلي 4 سنوات ونص .. وبخصوص الاحصاء والرياضيات والله مدري ماقد افيدك مابعد درست واكيد ترجع لكل شخص وقدراته الرياضيه :hahaha:

س4 / وهل هو أكيد مآيحتآج آروح للريآض لآبالدوره التأهيليه ولآبالدرآسه العآديه ؟

ايه يقولونه بكل منطقه في مراكز اختبارات ... ليه انتي من وين ...<< سوال لقافه :hahaha:

س5 / وكم مآده ندرسهآ بالترم الوآحد ؟

بالترم الواحد مادري بس اتوقع 10 او 11 .. في خطط دراسيه تلاقيها بالموقع فيها كل ترم وش المواد اللي فيه حسب التخصص

<<<< خلآص , قضن الأسئله :$

احلفي :hahaha:


حياك يالغلا نورتي ..

~





آلله مير يجزآتس خير :$

آنا من حفر البرآطم :$ <~ حفر البآطن ^_^

آجل بصبر مآني مسجله ألحين بخلي التسجيل لـ الترم الجآي أن شاء الله

وآلله يوفقنآ أجميعن :$







~

جزاك الله خير اختي صاحبة الموضوع ماتدري وش كثر دعيت لك

لاني من رجعت من برا وانا ادور على جامعه تقلبني انتساب للاسف مالقيت الا اقسام اووووف وانا اهم شي ادرس بقسم ارتاح فيه يعني مثل ادارة اعمال او محاسبه او انقليزي ,,,,,,,, الخ الا التاريخ والدرسات واللغه العربيه هذا اللي حصلت للاسف


اللحين بدت الاسئله الله يعينك ..

انا احتمال اكون في الدمام ولسى ما استقريت بس قلت مبدئين ودي اسجل اخاف يروح على التسجيل واتحسف

الدوره التاهيليه حسب ما قريت انها اجباري ومدتها ترم (كم اسبوع يعني ؟؟؟)سعرها 3000 ريال
صح؟
طيب سؤالي كيف الحضور لها اذا كنت مو ساكنه في الرياض ..؟؟ للدوره التأهيليه ..

هل اقدر بعد الدوره اختار ابغى انتساب مطور او تقليدي ؟؟ او لازم من البدايه يعروفون ..؟؟

الى كم سنه مدة الشهاده الثانويه _انا لي ست سنوات

فهمت من كلام البنات اذا مانيب غلطانه
ان اللي انتساب مطور تختلف اقسام التخصصات عن الانتساب التقليدي صح ؟؟ ممكن تذكرين لي الفرق

كل ترم 2500 ريال تشمل ايش وما تشمل ايش ؟؟
سوا الانتساب المطور او التقليدي ؟؟

متى اقدر احول انتظام في الجامعه ؟؟



اسفه على الازعاج وكثرة الاسئله اللي يمكن تكون بعضها مكرر لكن قل التركيز والحماس الزايد
بانتظار اجاباتك الشافيه الله يوفقك

:22:الله يسلمك ويعافيك تكفيني هالدعوات وربي .. الله يعطيكم بالمثل يارب...


مدري كم اسبوع بصراحه بس الحين بالصيفي مدتها 6 اسابيع

قد بدات والاختبارات ب 17\8

بس اذا بتاخذيها من اول السنه بتكون ترم كامل عادي بتختبري مع الاختبارات يعني اكيد على شهر 12 او شهر 1


ايه الدوره ب3000 ريال وبعدين كل ترم 2500 ريال

الدوره التاهيليه والتخصص كلها الدراسه بالنت والتقديم بالنت بس بالاختبار تحضري

لو اخذتها صيفي الحين (مع العلم ان التسجيل باقي مفتوح) بيكون الاختبار بس في الرياض

بس لو خليتيها لاول السنه الاختبارات تكون بكل مناطق المملكه وحسب المكان اللي انتي فيه بيكون اختبارك

او اقرب مكان لك



ايه بعد الدوره تختاري اللي تبغي .. مطور او تقليدي براحتك


عادي انا لي 7 وناس بهم 9 وناس 10 يقبلون اي سنه واي نسبه :22:



ايه فيه فرق بين المطور والتقليدي

المطور .. اقسامه فقط بالاقتصاد والاداره والشريعه والدعوه .. وتكون الدراسه بفلوس 2500 للترم ويكون التواصل والمحاضرات والملازم كلها عبر النت وبس وقت الاختبار تحضرين يعني حتى التقديم من النت وارسال الاوراق يكون عبر البريد الممتاز


التقليدي .. يكون في تخصص اصول الدين والعربي .. ويكون ببلاش.. ويكون التواصل بنفسك تجين كل فتره تخططين الكتب من البنات وتاخذين الملازم منهم وتصوري وتقدمي الاوراق بنفسك للجامعه وهذا طبعا بيحتاج تكوني بالرياض علشان تتواصلي مع البنات كل فتره ..



2500 تشمل كلش .. رسوم الدراسه ... بعدين تصيرين تحملين الملازم والمحاظرات الصوتيه من المنتدى او من الموقع وتذاكرين منها



بعض الاقسام تقدري تحولي انتظام بعد ترم اذا جبتي معدل اكثر من 3.75 من 5

ماعدا ادارة الاعمال لازم بعد 3 اترام تقدري تحولي ..:06:

واتمنى اكون افدتك وقدرت اوصلك اللي تبينه

واي اسئله ثانيه اتفضلي لا يردك الا كيبوردك ..