اموت من الحسره لاشفت نظافة وترتيب بيوتكم\ اخذ حقة من النقاش

تعجبني صراحتك (سعوديه ذوق ) أنا أحب النظافة والسنع بس لازم يكون عندي شغالة تنظف وأنا أشرف لأن الحياة فيها أشياء أهم والواحد لازم يهتم بصحتوا و راحتوا وتعليموا وثقافتوا أما كل الحياة شغل لا وألف لا .
أنا مثلا أحب أحضر دورات ومحاظرات ودروس وأحب أشرف على تعليم أولادي وعندي طموح أواصل دراساتي العليا وكل هذا ما يمديني عليه بدون شغالة .
أما اذا كانت الوحدة طموحها بس غسيل وكوي فهي تقدر تستغني عن الشغالات.
هذي مشكلتنا يالحريم يا مهملة يا نظيفة وسنعة من غير أي طموح في هذي الحياة.

بصراحه البنات ماقصرو وياك
وانا كنت في بيت هلي ما اسوي شي حتى كاس مااشيلها وعندنا خدامه والحمد لله الحين راعيه بيت
الوحده لمن تتزوج تنسى شي اسمه كنت في بيت هلي هذا لو كانت تبي تكون سنعه
وبعدين انت لازم تغيرين من نفسك ان الله لا يغير مابي قوم حتى يغيرو مابانفسهم اعقدها وتوكل
انت انسانه مثقفه محد بيساعدك لو ماساعدت نفسك لازم تتغيرين اليوم زوجك عذرك ومعك بكرة يقلبها على راسك..انتبهي الحقي عمرك
شوفي النت واقراي وطبقي المنتدى مليان نصايح وفوايد اقراي وطبقي واكتبي واحنا نفيدك ونجاوبك

حبيتي لا تزعلين مني بالغتي شوي في سالفة ان اللي تعودت على الشغالة ما تستغنى عنها وانه بعد ما تسافر يكون بيتها وسخ انا اول ما جبت بنتي البكر ما عرفت انظم وقتي وشغلي بس ما كان بيتي وسخ ولكن كان يفقد بعض الترتيب
وولما حملت الحمل الثاني وتقررت الولادة عملية جبت شغالة وقعدت عندي سنتين وصابني كسل مو طبيعي حتى في نفسي وحتى الطبخ وحتى اهتمامي في زوجي والحين ما عندي شغالة من 5شهور والله ان بيتي انظف من ايام الشغالة
والحمد لله نظمت وقتي وشغلي ولا اقول اني ما انزنق في الشغل بس ولا مره تمنيت ان معي شغالة مع ان اللي كانت عندي كانت طيبة مره بس ما فيه راحة في البيت ما كنت اقدر اخذ راحتي في الملابس ولا حتى الكلام مع زوجي الا في غرفتي وعلى فكرة حتىصرت اهتم في زوجي اكثر من اول وصرت اشكل في طبخ الغداء قولي ما شاء الله
والبنات ما قصروا اعطو افكار حلوة مرره لتنظيم البيت مثل اللي قالت اول شئ جرد وبعدين تعزيل كامل وممكن تجيبين شغالة تساعدك باليومية وبعدها صلحي شغلك اول باول والله ترتاحي
واسفة على الاطالة