بصراحه يالغاليه انتي مكبره الموضوع ومعطيته اكبر من حجمه
وشكلك طيبه وقلبك ابيض وتبغي الناس يصيروا مثلك
حبيبتي حاولي تعطي الناس على قد حجمهم عشان تعرفي تعيشي معهم مرتاحه
وتاخذي الامور ببساطه اكبر
يعني انتي غلطتي غلطه كبيره لمن رحتي لسلفتك من غير هديه مع انها سبق وقدرتك واهدتك
ومن الادب والاصول انك تردي الهديه بأفضل منها في اقرب فرصه مناسبه
لكنك الله يصلحك رحتي لها ويدك فاضيه لا تقولي صحن فطاير لان الصحن هذا ناخذه في سهره
عاديه في جمعت العايله بس مو في مناسبه مثل كذا ولوحده سبق واهدتك
وبعدين غريبه تفكري تعدلي بينهم ليه يعني تساوي اللي يقدرك باللي مايقدرك غريبه اي عدل هذا
وبصراحه سلفتك راعية البيت باينها ملكعه وشكلها نقدتك على تصرفك وزعلت وحبت تحرجك
والحين امك عندك وهم ماقدروها ولازاروها عندك خلاص الموضوع سهل عزيزتي
لاتحرجي زوجك واتركيه يعزم اخوانه اذا حضروا حريمهم ياهلا فيهم واذا ماحضروا الله يحفظهم
واذا جاء عندهم احد من اهلهم ساعتها لا تروحي لهم ولا تهديهم وفري على عمرك واذا عزموا
رجالهم ساعتها اذا جوك تعاليهم واذا ماجوك اتركيهم يشربوا من نفس الكاس اللي شربوك منه
سلفتي وما ادراكم ماسفلتي كيييد حريييييم
متابعة النقاش، صفحة 6