استشارة نسائية اجتماعية

لازم يكون في جدول للتنظيف و الغسيل تتبعونه و انت تساعدها اذا ممكن من باب التشجيع و التعاون
مصروفها زايد عن حاجتها و لازم تتعلم تدخر منه لوقت الحاجة (مثلا سفر او عيد و غيره)
لا لشراء الوجبات من مطاعم الا اذا حابين تطلعون و تغيرون جو
لازم يكون عندكم برنامج توفير و خطة مرسومة للمبلغ اللي راح توفرونه و لازم تخليها في الصورة علشان تتشجع
و نقطة اخيرة, زوجتك لازم تعرف انها مدللة آخر دلال و لازم تقدر هالشي.
انا عن نفسي اهلي كانوا مو مقصرين علي ابد و اصرف على كيفي بدون حساب و لا حدود. بس لما تزوجت زوجي كان عنده خطة و يجمع علشان يبني لنا بيت.
كان مصروفي 800 و كيفت روحي و عشت و الحمدلله ألحين عندي بيت الكل يتمنى مثله.
همسة في أذن زوجتك........... باين من اسلوب زوجك انه رجل متقهم و شاريج, كوني شاكرة للنعم اللي انتي فيها و تركي عنك المظاهر و المجاملات.

(الفرس من خيالها )
اخوي 17سنه ماهي صغيره ابد ربها على ماتبي انت ولالك دخل بامه هي زوجتك وانت المسئول عنها المصروف كافي 500 شامل الشحن السوق لاتكثر الروحات لانه بيهز ميزانينك وعل ايش ....!!
والعيشه من المطعم اجل ليش تتزوج الله يصلحك كافي بالاسبوع مرتين وعش حياتك كما هي حياة المسلم الوسطيه والاعتدال نظافة البيت
اول باول
الله يصلح حالكم ويجمعكم على الخير

ماشاء الله
يابختها لانك مو مقصر معها ماديا ولا عاطفيا
أنا برأي انك هالألف تقسمها على 4 اسابيع
الاسبوع الاول 250 الاسبوع الثاني 250 الاسبوع الثالث 250 الاسبوع الرابع 250
وهكذا راح تتحكم بنقودها بحيث انه تكفيها اسبوع ولو خلصت قبل ما يخلص الاسبوع يبقى تنظر لين الاسبوع الجاي
اما بخصوص ام زوجتك اوجه كلامي لزوجتك:
عزيزتي انتبهي لحياتك الزوجية،، كون ان عمرك صغير لا يعني ان تستهتري بحياتك و تتبعي كلام امك
لا تفرطي بزوجك بكره لو فقدتيه لا تفتكري انك راح تلاقي احسن منه ،، حافظي على اللي عندك و معليش لو امك احرجتك ممكن تتهربي منها بأي طريقة علشان ترضي زوجك و ممكن ساعات ترضي أمك و ساعات ترضي زوجك اهم شي حرام هو يضحي و ما يلاقي غير التقصير منك
و في مثل يقول: ""اذا كان صاحبك عسل لا تلحسه كله""
بخصوص شغل البيت: اذا هو كثير يعني بجد شغل كثير طبخ و غسيل والخ،، ممكن تعمل جدول اسبوعي بحيث انه مثلا 3 ايام هي تشتغل و3 ايام تجيب خادمة و بعدين اكل المطاعم ممكن تقلل اذا كان مكلف و اذا غير مكلف (يعني اشياء لا ترهقك ماديا ) مشيها لانكم شخصين لكن بكرة تكبر العائلة ماراح تقدر تمشي حالك بالمطاعم لانها راح تكلف كثييير هاذا غير ان أكلها غير صحي
بالنسبة للشغل هاذا شي بينك وبينها
ودائما لما تدخل بيتك قول" باسم الله ولجنا و بسم الله خرجنا وعلى الله توكلنا" علشان الله يبعد عنك المشاكل و انت في بيتك