بالنسبة لاخر اخباري ان موقفة خطة العلاج وخصوصا بعد ما كنت ناوية اعمل حقن مجهري وسبحان الله اكتشفت ان عندي انيميا حادة والدكتور مرديش يعملهولي غير لما اعالج الانيميا اللي عندي
فدلوقتي ان باخد علاج للانيميا والحمد لله النسبة بدات تزيد والدكتور كان قايلي انه ممكن يكون دة السبب اللي مانع الحمل وممكن يحصل حمل من غير عمليات
بس في حاجة غريبة بتحصلي حاقولكم عليها يمكن حد يعرف ايه سببها
انا بقالي شهرين البريود بجيلي بأعراض غريبة جدا
قبل ماتنزل اعراض مشابه تماما لاعراض الحمل من دوخة وخمول ووجع في الصدر وتقل وكمان بيكبر بشكل ملحوظ وكمان ميل للقيء
واليوم اللي بتنزلي فية الاعراض بتكون زيادة حبيتين ومش برتاح غير لما ارجع كل اللي في بطني
وفي اول يوم بردة بلاقي زي غشاء كدة بينزل من دم الدورة بيكون سميك شوية ومش بينزل غير بعد الاعراض الجامدة والترجيع اللي بيجولي
بس كدة ياريت اللي تعرف سبب الاعراض دية ايه تقولي
بس ياريت محدش يقولي دة نفسية ومن كتر التفكير في الحمل وخصوصا اني بقالي فترة الحمد لله نفسيتي بقت اهدا ومش بفكر كتير في الحمل والحمد لله انا راضية بقضاء ربنا سبحانه وتعالى
طاقة أمل (خبرات متبادلة حول مراكز العقم فى مصر) ج4
متابعة النقاش، صفحة 165