السلام عليكم ورحمة الله وبركاته
بنات انا ملاحظة ان كثير يهاجمون اي وحده تنزل موضوع تهاجم فيه ظاهرة سلبية مثل استقدام الخادمات او كثرة العمالة الوافدة في بلادنا وزعلها على ضياع حقوق المواطن
ذاك اليوم مات مايكل جاكسون طيب واحنا ويش دخلنا مغني امريكي مسيحي ضيع شباب العرب سنين طويلة مع العلم ان مواضيع العفن الفني ممنوعة
دارت حرب داحس والبسوس في المواضيع وخاصة في موضوعه ليه تحبون تهاجمون بعض معروف انه مايهم موته
الشيخ ابن جبرين مات ليه ماتهاوشتم ؟؟؟
تدرون ليه لأن اللي يحب ذاك المغني اما ترحم عليه ولا اعطاه اكبر من حجمه والبنات جزاهم الله خير تدخلوا لأنه شرعا وعقلا ويش دخلنا فيه
قلنا الاندونيسيات وباء وشر على مجتمعاتنا السعودية والخليجية تضايقتم مع ان الكلام صحيح مايختلف عليه اثنين و لاحظت اذا الموضوع عنوانه عن خادمة نسبة مشاهدة الموضوع منخفضة بالمقارنة مع غيره
نرجع شوي للوراء
سالفة عائض القرني ومحمد عبده اذكر ان هالموضوع كان مسنتر في الصفحه الاولى ليه اعطيتوه اهمية
وآخر شي السينما هوشه وطلبه والحمدلله ريحنا الأمير نايف الله يعافيه من هالموضوع اللي بصراحه كان راح يفتح باب شر علينا
واليوم عضوة فاضلة منزلة موضوع متضايقة فيه من ضياع حقوق المواطن مقابل حقوق العمالة وهاجموها طيب ليه ليه ؟؟
http://forum.hawaaworld.com/showthread.php?t=1820666&page=2
احنا كلنا نشوف الغلط وعارفينه ليه نحب نجادل
انا مااقول لاتعطوننا رأيكم ولا تتكلمون لاكن انتبهوا لردودكم لاتجرحون وتهاجمون غيركم
من دون مايكون عندكم على الاقل اطلاع وخلفية لايجابيات وسلبيات ردكم
ردك راح يقرأه مالايقل عن الف او الفين مشاهد
دايم اقول وارجع اقول احنا نكمل بعض كمجتمع
واذا كانت هذي ردودنا وهذي شخصياتنا فعلى الدنيا السلام
يعني لازم ننزل مواضيع تافهه وغير هادفة وغير مفيدة ومافيها توعية علشان نعجب
طيب ابشروا من بكره اروح اجيب لكم نكت وشعر ومعلومات عن باريس هيلتون وويش آخر موديل لبسته وويش ريجيمها
ولا لأ راح اجيب آخر حركات الدلع وحركات البنات اكووول والاينو
......
قضايا مجتمعنا وحياتنا اهم منها اي ممكن نقرأ كذا ونقرأ كذا لاكن اللي مو ممكن ان الموضوع التافهة تمام وماعليها تعليقات جارحه وغيره من المواضيع المهمة يتهاجم صاحبها
قبل فترة نزلت موضوع عن لقاء للشيخ عبدالله المصلح يتكلم فيه عن ضرر الخادمات عضوتين دخلوا اتحفوا الموضوع بردود اقل ماينقال عنها جارحه وحده قالت عني حسوده حاسده اللي عندهم خدم !!!!!!!
والثانية تقول اكيد في بيوتنا خدم وحنا ننزل مواضيع نمنع غيرنا عنهم !!!!!!
واللحين في موضوع العمالة وحقوقهم يقولون لصاحبة الموضوع اننا (يااهل هالمواضيع نحسد العمالة على هالحقوق)
ياالله على ايش نحسدهم ياالله نقول ثور يقولون احلبوه
طيب وبعدين لو سمحتم فضلا وليس امرا انتبهوا لردودكم على بعض
انا مابغى منكم شئ ولا ني موظفة ادافع عن الموظفات ولاني شبعانه واحارب المحتاجين انا زيي زيكم
لي عقل افهم وعين تقرأ وقلب يغار ويبغض الغلط ومن حقي ومن حق غيري يقول رأيه اذا صح وفي حدود الشرع
اما اهانه وقذف اتهامات ونعتنا بالحسد واكل حقوق الغير لحد هنا وبس
ترى لساني عليه حارس وانا ماسكت عن حقي واقول للأعور انت اعور في عينه وسلامتكم
(كلامي ليس عن الكل بالعكس اغلب العضوات فاضلات اتشرف اني مشاركتهم العضوية في هذا المنتدى الراقي واحطهم فوق راسي )
لاتزعلون مني لاكن بصراحه طالت وشمخت وانا ماارضى احد يدوس لي على طرف مادام انا ماجيت ناحيته
في كثير مواضيع ماتعجبني عمري مادخلت ورديت ليه اتكلم على العضوة واغلط عليها
من حقها تنزل مواضيع تعجبها
شاركي في النقاش
سجلي الدخول لإضافة تعليق.
التعليقات
44- يا عزيزتي النت عااااااااااااالم مجهول لا يعرف اوله من اخره ولا صدقه من كذبه
والبنات كل وحده تنزل رأيها و وجهة نظرها مو يعني (إن لم تكن معي فأنت ضدي )
وكلامك فعلا سليم 200%
يعني وسعي خااااااطرك يا بنت الحلال
ولا تنسين بعضهم داخلة بأكثر من اسم وبس تخبص في الردود
العادات مختلفة والجنسيات مختلفة والعقائد مختلفة والمذاهب مختلفة اليوم داخلة موقع فيه تعازي لابن جبرين اغلبهم اقولك اغلبهم مسوي علامات استفهام والبعض يقول عقبال الـــ.............
....وجهة نظر شخصية تحتمل الخطأ او الصواب......:39: - يآااااعزيزتيٌ..
كل اللي قلتيه..كوم...واللي شفته....من الردود..اليوم في أحدى المواضيع كوم ثآنيٌ..
...( بدال مايترحمون على الميته...جالسيين يتكلمون عن شرفها..وشرف أبوها...وصلت الأمور...لكذااُ..؟..)
الله سبحانه وتعالي..وحده...يرحم عبآده..ويغفر لهم...ويقبل توبتهم..
أكره الشمآته...لاتتــشمتونٌ...
..موضوعك..صفعه..قويه..للبعض.. شآكره لكٌ
- ليه تعورين راسك وانا اختك كل الكلام الي كتبتيه صحيح وانا معك وحتي البنات الي يهاجمون مقتنعين بس كذا عندهم هواية اسمها الجداااااااااااااااااال 000 الله يهديهم
- كلامك صحيح
بس هذا صارت عادة عند الاغلبيه لازم يخالف الراي حتى لو مقتنع فيه
والف تحيه لك
وماعليييك منهم .jori. كلامك صحيح بس هذا صارت عادة عند الاغلبيه لازم يخالف الراي حتى لو مقتنع فيه والف تحيه لك وماعليييك منهم
هو دة مربط الفرس
مواضيع مشابهة
تابعي تجارب أخرى من هذا القسم.