ولدت بنوتي الحلوة الحمد لله

مرحبا يا صبايا الحمد لله الف حمد ولدت بنوتي الحلوة تولين وولادتي كانت بمستشفى المانع بالخبر
بالنسبة لقصة ولادتي كانت الحمد لله جيدة
اول شي رحت عادي ع دكتورتي اشوف شو الوضع خلص دخلت بالاسبوع الاخير من التاسع وما في اي بوادر وانا خلالالالالالاص بدي اولد فحصتني وحكتلي ما في توسع بس اذا بدك تطمني ع البيبي روحي ع القسم التاني خليهم يعملولك تخطيط عشان تطمني ع صحة البيبي الاكسجين بيوصل منيح وحركتها وهيك قلت مش غلط ورحت دخلت تقريبا الساعة 6ونص المغرب وحطو الجهاز علي بقسم الولادة وانا بدا دمي ينشف قلت طالما دخلوني بهالقسم ما حيطلعوني منه وانا اكتر شي كان مخوفني انه اروح ع المستشفى بدون ما يكون عندي توسع
المهم بعد ساعة ونص من التخطيط وهو ع بطني حكولي حركة البيبي مو كويسة خليكي نامي اليوم عشان نطمن ع البيبي بتخطيط تاني قلت بس بدأ المخطط تبعهم بتوليدي وانا صراحة خفت ع البيبي قلت توكلي ع الله المهم نمت بالمستشفى وبدا التعذيب النفسي بدأ النسوان اللي بالغرف اللي جنبي يولدوا ويصرخوا وانا خلالاص نشف دمي وبدات ابكي وبعدين الساعة 6ونص الصباح اجتوفحصتني الدكتورة وقال شو لقت الرحم متوسع 2 سم ونص وقالتلي خلص رح تبقي بالمستشفى ولادة:icon33:وحكيت مع زوجي وقلتله تعا خلاص بعدين الساعة 9 الصبح فحصوني تاني وقالولي بس 3 سم لازم طلق صناعي عشان طلق مو حامي وانا احكيلهم ما بدي قالولي بس شوي مارح نكتر ورح نعطيكي ابرة مسكن بالعضل وفعلا اعطتني الطلق وبعدها بشوي المسكن ارتحت كتير ع المسكن صراحة بعدين الساعة 12 ونص بلش الوجع المظبوط مو طبيعي وجع كتير قوي وورى بعض انا والدة قبل هيك طبيعي من غير طلق صناعي مو هيك الوجع وبعدين الساعة 1ونص كنت والدة والحمد لله
آسفةع الاطالة بس حبيت احكي قصتي بالنسبة للمستفى والقابلات كتير كانوا مناح ولطيفين جدا والحمد لله
فدى عيون تولين الله يحفظها ويتمم لكل وحدة حملها ع خير ويقومكم بالسلامة اي استفسار انا جاهزة:39::icon28: