شاركي في النقاش

سجلي الدخول لإضافة تعليق.

التعليقات

1,627
  1. حبيبه اوسو
    السلام عليكم ورحمه الله ازيكم يا بنات عاملين ايه يارب تكونو بخير انا داخله اطمنكم عليا وكمان عشان اقولكم على حاجه تانيه ان التجربه الى انا عشتها كانت حاجه جميله قوى زى الحلم الى صحيت منه مش قادره اوصف لكم جمال الكعبه مش زى ما بتيجى فى التل…
    جزاك الله خيرا يا ام عبدالله على الدعاء وربنا يتقبل منك جسمى اقشعر وانا بقراه حسيت بصدق قلبك وانتى بتدعى
    ربنا يخليكى يا حبيبتى ويباركلك فى الاولادك ويفرحك بيهم وينولك كل الى تتمنيه


    اسماء ازيك يا قمر وحشتينا
    ربنا يفك كربك عاجلا غير اجلا وييسرلك امورك

    حمدالله على السلامة يا حبيبة عمرة مقبولة ان شاء الله
    شوقتينى ان انا اروح قوى يارب ارزقنى بزيارة بيتك الحرام وارزق حبيبة وارزق كل مشتاق يارب
    ربنا يرزق فاطمة بالزوج الصالح عاجلا غير اجلا
  2. tadoh
    بسم الله ماشاء الله اعجبني جدا الرابط وحبيت تشوفه ويارب كل البنات تتزوج وكل النساء تنجب بمشيئة لله احبكم جميعا في الله. http://forum.amrkhaled.net/showthrea.php?t=247024
    السلام عليكم ورحمة الله وبركاته

    - هل ترتدى الحجاب ؟؟

    الحمد لله
    2- شكل الطرحة اللتى ترتديها طويلة ( تغطى الصدر ) ام قصيرة ؟؟
    طويلة تغطى الصدر والاكتاف
    3- هل ترتيدى البنطلونات ؟؟
    لا
    4- هل ترتدى البنطلون على حاجة قبل الركبة او بعد الركبة ؟؟
    5- هل ترتدى جيبات ( تنورة ) ؟؟
    نعم
    6- ما نوع الجيبات التى ترتديها واسعة ام عادية ( نفس موديل الجينز ) ؟؟
    واسعة وعندى جينز واسع برضه
    7- هل ترتدى بديهات كارينا او ما شابه ؟؟
    أحيانا تحت الشيميز او التونيك
    8- ماذا ترتدى فوق هذة البديهات بولزات بنص كم او كت او ما بعد الكوع مثلا ؟؟
    قلت فوق بكم الحمد لله
    9- هل ترتدى الصنادل المفتوحة ؟؟
    لا
    10- هل تردتى شراب محجبات ثقيل ؟؟
    لا
    11- هل تضعى ميك اب فى الخروج العادى ؟؟
    لا
    12- هل تضعى ميك اب فى المناسبات فقط ؟؟
    لا
    13 هل جزء من شعرك بيبان من تحت الطرحة ساعات ؟؟
    لا
    14- هل تتعطرين فى الخروج ( حتى لو كان عطر غير قوى و ريحته خفيفة ) هذا السؤال لا يشمل رول مزيل العرق؟؟
    لا
    15-هل ترتدى معصم تحت اى بلوزة اذا كان الكم واسع شوية ؟؟
    نعم
    16- هل ترتدى العبايات فقط و لا لبسك منوع ؟؟
    منوع
  3. tadoh
    بسم الله ماشاء الله اعجبني جدا الرابط وحبيت تشوفه ويارب كل البنات تتزوج وكل النساء تنجب بمشيئة لله احبكم جميعا في الله. http://forum.amrkhaled.net/showthrea.php?t=247024
    بقيت بادخل ف مواعيد غريبة:22:
    مالكم يا بنات
    ام يوسف فيه ايه؟
    عايزين دعاء مخصوص بكره...
    اسماء تسلم ايديكم ...مالك يا جميلة..ربنا يفك كرب كل مسلم، بس عن تجربة يا اسماء ، الملف هنا بيدى شحنات ايجابية جدا ، حاولى ما تبعديش
    الاستغفار تانى وتالت وعاشر
    بافكركم عشان تفكرونى لما احتاج
    من اسبوع مثلا كنت حاسة مخى هينفجر من التفكير ف مشكلة معينة، كنت باقول لحبيبة جدا لقلبى من الحمامات برضع... انى حسيت بجد بمعنى غليان المخ،وحقيقى كنت باجاهد عشان اوصل لسانى لمرحلة الاستغفار
    وقعدت أستغفر فى سريرى لحد ما نمت وصحيت وأنا حد تانى بفضل الله
    استغفروا وانتوا ماشيين قاعدين ف المطبخ على السلم ف العربية ....كل مكان وزمان صالح
    وبرضه حبيت فكرة قالتها حبيبة اوسو تقريبا من كم ملف
    استغفر على حاجة معينة...فاكراها او لا
    انا مثلا قعدت اقول
    استغفر الله العظيم على كل غلطة غلطتها ف حق والدتى، والدى،اخواتى واحد واحد
    جيرانى اصحابى افتكرتهم من اول الحضانة لحد الجامعة ، زمايلى فى الشغل اللى سبته من 7 سنين.....كده يعنى
    حبيبة وصفك للعمرة له مشاركة خاصة
    راجعة الصبح
    بس قلت اعمل الواجب بتاع مس دموع
    ربنا يسعد ايامنا ويفك كربنا ويفرح كل واحدة فينا بحاجة تسعدها قريب اوى ان شاء الله


  4. السلام عليكم ورحمة الله وبركاته

    ام عبدالله نادت لى وكلمتنى لازم اجى وكمان ام يوسف واننسي مقدرش اتاخر

    وحشتونى كلكم

    ام يوسف ايه الكلام دة انا مش فاهمة بصراحة بس لو في حاجة وضحى؟

    نانسي

    مش قدرتى على البوش اب لان جسمك بقاله كتير مش بيلعب رياضة فطبعا هتحسي بوجع وكمان لازم تسخنى شوية قبل التمارين مشي في المكان شهيق وزفير كدة

    ايه رايك في ؟

    تادو

    ايه الاكلات الجامدة دى عجبتنى طريقة الرز والشوربة كمان

    حبيبة

    حمدالله على السلامة انا نفسي اوى اروح ووصفك شوقنى اكتر يارب ارزقنا زيارة لبيتك الحرام

    رونى

    اخبارك ايه وازى عمور دلوقتى طمنيني

    اسماء
    سلامتك من الزعل
    ادخلى فكى معانا انا معاك ان الواحد بتيجي له حالات مش عايز يتكلم
    ربنا يعين

    ام عبدالله

    الجيبة مقياس الوزن بقت تيجي على مقاسي واخرج فيها باركي لى

    لميا

    اخبار الحلو ايه والعروسة عاملة ايه ؟؟

    يومياتى

    بحاول ارتب الدولاب وافرز الهدوم اللى صغرت على الولاد و اللى مش نافع وهكذا
    وغسيل كتيييييير

    وتنظيف ادراج جات لى حالة هوس اى درج اشوفه عايز ة اقلبه وانظمه كله مش عارفة من ايه؟ هههههههه
  5. مى ................. هاجرب يا وزيره موضوع التسخين دا و نشوف و نقول لسيادتك
    ام يوسف ..............مالك شكلك اتصدم فى حد و دى بتبقى صعبه اووى بس احنا اهوه مع بعض. احتسبى عند الله
    اسماء ........... بحس فيكى انك ايجابيه و بيتكرهى السلبيه ربنا يعينك و يشرح صدرك
    لميا ........... عملتى ايه مع حماتك و الاكل؟
    حبيبه ............ربنا يتقبل منك يارب ووصفك شوقنا اووى نروح تانى. فعلا يا جماعه منظر الكعبه اخاذ لاقصى درجه
    يومياتى
    نظفت البوتجاز و مسحت المطبخ و الرخام و مسحت الحمام و نظفته تنظيف عميق بالاضافه الى الرسبيشن مسح و كنس و خلافه

تابعي تجارب أخرى من هذا القسم.