لما مرت اخوج تسولف لج عنه

السلام عليكم ورحمة الله وبركاته

اخواتي بدخل بالموضوع على طول اوكي مرت اخوي ثرثاره ماشاء الله عليها وكلامها مو موزون

مالومها بعدها ياهل بالعشرين اعتقد المهم هي كله تسولف عن اخوي وشيصير بينهم

وتتكلم الا باسني الا حضني الا زعلان علي احط الياهل بيني وبينه ومن هالسوالف

وانا اتضايق مادري ليش احس عيب .. وهذا اخوووي ماحب اعرف شيسوي مع زوجته

وخصوصا الخصوصيات مادري ليش بس اتضايق هل تحسون بشعوري لو حريم اخوانكم يسولفون بهالمواضيع

بعد هاي مرت اخوي ياهل وكله تسولف جدام خواتي الصغار .. اختي قالت لها عيب مايصير وتنسى وترد تسولف

مادري شاسوي لها؟؟

وبعد لين اسولف مع خواتي عن ريلي وهم بعد عاد هي تقول مثلا يخسي ريلي يسوي جذي
انا مضبطته مايرفض لي طلب
ومن هالكلام يعني تحسسني ان اخوي ماله شخصيه
انقهر منها احس لازم تحاسب على كلامها هذا اخوي

عاد مره قالت ان اخوي ما يطلعها وكله محبوسه بالبيت مسكينه ( عشتو)
وانا كل خميس ادري بهم يطلعون ولا عمرهم فكرو يطلعون خواتي وياهم
عاد انا جببتها وقلت لها انتي سكتي عاد اخوي مو مقصر وياج
صج مايبين بعينج وعاد انطمت وشوي قعدت بعدين راحت حجرتها
عاد انا حريم اخواني مو جذي نفسها الا ذي ملقوفه
والمشكله اخوي اعرفه زين لو يدري بسوالفها طلقها
لانه يحب الخصوصيه عدل بحياته ما يقول اي شي
وهذي مطلعه كل اسراره والله
تخيلو اخر مره شقالت قدام اختي الي مو متزوجه وقدامي
قلت لها انتي موحامل
تقول لا
قلت يااه لا تخشين
تقول شلون اصلا احنا ما -------- ( قمبله عووده)
انا تحسفت اني سالتها هههههه
مابكثر بعد لاني صج ابي افضفض

57 تعليق 4,432 مشاهدة

شاركي في النقاش

سجلي الدخول لإضافة تعليق.

التعليقات

55
  1. @mrs_hawaa

    بصراحه قلت حياء
    وسواء اخته اوغيرها حرام وعيب
    وكمان لما خوات الزوج يسألون عن هالاشياء
    صراحتن...............................قرف
    الله يعينك اختي مشكله مالها حل
  2. انتي حاولي تفهمينها ان اللي تسويه غلط وجيبيها من سالفة انو اخواتك صغار ماتزوجوا مايصير تقول هالكلام قدامهم وقولي خصوصياتك يافلانه لازم تحافظين عليها ماتطلعينها لاحد سواء كانوا صغار ولا كبار ...الله يهديها ...

تابعي تجارب أخرى من هذا القسم.