ها يا كاتي اشوفك قلبتي محللة نفسية :)
بس والله يعطيك العافية كلامك صح في صح ما غلطتي وبلا كلمة
وام شهيد عيوني المركبة انتي ، انتي العسل كله يا قمر
خلوني ابدأ معاكم
اسمي زيزي ( هذا اللقب من اختي لما كنت صغيرة وتدلعني - راحت علينا ) عمري 26 وبعد التخرج على طول توظفت في مكان بس ما طولت وحاليا موظفة ( مدرسة ) بيني وبينكم الوظيفة كريهة ( سمعي يا كوكو ) الحلو فيها بس انك لما تدرسين والمعلومات توصل للطرف الثاني والحمدلله عندي قدرة على هذا الشي يعني اطلع من تحت ايدي عباقرة :rolleyes: والشغلات الكريهة الثانية شغل الادارة المدرسية والتوجيه اللي على راسنا وملوع جبدنا بالاضافة للجو الحريمي وصدقوني ما اكثر منه مشاكل وبلاوي وانا استغرب من الزوج اللي ما يرضى ان زوجته تشتغل في جو مختلط ، يا اخي لو انت تدري شنو في الجو الحريمي من بلاوي كبر الدنيا ، كان غير رأيه ، المكان يسيطر عليه النفاق بشكل كبير وان كنتي صريحة رحتي فيها يحطون عليك حطة ما يخلصك منها الا رب العالمين ، واذا ما توفقتي في مجموعة من المدرسات زينين هم رحتي فيها ، يحشووون فيك حش واذنك ما تسكت من الون ( دليل على الحش ) ، على كل حال الحمدلله ( ليش انتي خليتي شي )
طموحي ان اغير هذي الوظيفة الى شي يرضيني يرضي طموحي ، ما تخيل نفسي طول عمري مدرسة ، لان مجالها يعمل على تسكير الدمااغ ماكو معلومات جديدة ابد ، احب اشتغل في مجال ثاني بس ادعو الله يوفقني
بس تدروون الوظيفة نمت شخصيتي بشكل كبير غير عن ايام الجامعة وغير عن وظيفتي الاولى ، حتى اذكر الدكتور الله يذكره بالخير كان يقولي على ما تلقين الوظيفة المثالية تلفين نفسك تنططتي بين 5 -7 وظايف وبالتالي خبرتك اكبر واحسن وشخصيتك احسن
انا دلوعة العيلة ، وجدا حساسة ، وبسرعة الدمعة تنزل من عيني ( على فكرة شغلة ما احبها لان الناس يعتبرونها ضعف ، او حتى تمثيل ) ولكن من فترة طويلة تغيرت صرت لما ازعل اخلي الزعل داخل وما ابينه لاحد واظل على الحالة واكثر من مرة صارت فيني حالة اكتئاب والسبب الكبت ، مع اني اجتماعية بس ما اكون صداقات بهذه السهولة ، والزمن الاغبر هذا مو مال صداقات بس مصلحة وبس ، قلبي طيب ومرات اعصب بسرعة ( اصير فلفل ) ، احب الضحك والوناسة والطلعات ( اكو احد ما يحب جذي ) الحمدلله دمي خفيف نعمة من الله ، احب اقرا الروايات البوليسية ( بس زمان بطلت مادري ليش ) واحب العب جيمز على الكمبيوتر او مع عيال اختي ، احس اني صغيرة من الداخل تشوفون تصرفاتي ما تعطوني 26 احب العب او اسوي حركات مع اليهال وعيال اختي يحبوني اطلع معاهم خاصة مكان فيه لعب يمكن لاني الصغيرة وللحين مومتزوجة وسلامكتم
السيرة الذاتية لزيزي ( تبون تعرفون شي ثاني )
**مقر مجموعة الدعم للتخلص من السمنه** حياكم الله
متابعة النقاش، صفحة 80