تعبت من كثر يقولولي (أنتي مو حلوة). عطوني أدعية أو آيات بنية الجمال في نظر الناس قديم

مافي احسن من خلقة ربي واحمدي ربك على نعمة العاافيه

ولو كنتي حلوة بعد بيطفرونج بكلمة إنتي حلوة إنتي حلوة
إنتي أحلى من جمالج ... إنتي آآآآآآآآآآآآآآآآية في الجمال
خخخخخخخخخخخخخخخخ غنيتلج
شوفي يا وخيتي الناس ما يعيبهم شي ....
اهتمي بنفسج وشكلج والكلام لي ما يعيبج عقيه ورا ظهرج ...

أختي


الحين من زين الي حواليك..

يمكن نصفهم متوسطي الجمال..

والنصف الباقي بين المقبولين و القليل الجمال


يختي انت بس اكتشفي نفسك


انت فيك اشياء مو موجوده في احد..

الجمال مو كل شيء

اعرف لك وحده بيضاء و عيون وساع..ويا زينها ساكته..

لأنها بصراحة وحده مرخصه نفسها.. في الحجاب و الهيئة.. صدقيني محد ارتاح لها.. الكل يلاحظ انها سيئة حتى اكتشفنا انها (تحب وحدة).. يعني الله يعافيها و يردها لدينها فيها مشاكل كثيرة... الجمال مو كل شيء!!

وطبعا اختي جزء من المشكلة فيك... صدقيني.. انت تتحملين جزء كبير من المشكلة

الحين الله سخر لك حياة و اغناك عن ذل المسألة و الحاجة.. وعززك و كرمك بدينه.. ليه تشوفين الجمال,, وتتركين باقي النعم..

الحين ليه تتسخطين عشان ما في يدك ريال (جديد).. وفي الخزنة الي الله عطاك اياها مليون ريال

لا تصدقين كلام اي احد
اصلا الله سبحانه وتعالى خلق كل انساااان في احسن صوووووووورة
وكل واحد ذوقه يختلف عن الثاني
واصلا الجمال مو مهم الاخلاق اهم شيء

وشكرا