زوجي زعل مني اليوم وانا ما أقصد

السلام عليكم

بصراحه ماني عارفه كيف أبدا بموضوعي لأنه غريب نوعا ما ... بالعاده نتقهوى انا وزوجي مع بعض كل ما فضينا بنهاية الاسبوع نكون قاعدين بالبيت ما عندنا دوامات وعمري ما حسيت اني متكلفه أو رسميه معاه يقهويني وأقهويه ونسولف وناخذ راحتنا .... هالمره صدمني بأسلوبه حطيت صينية القهوه ولهيت ببنتي اشوي بس كنت معاه بنفس الغرفه .. قام هو صب لنفسه فنجان وعادي الوضع طبيعي وأنا تصرفت بطبيعتي وعلى نياتي مو قاصده شي قلتله معليش تصبلي قهوه ؟؟ ( لأن بنتي كانت بيدي ومو قادره أمسك الدله ) هنا كأني كبيت ماي بارد على وجهه قاللي اشلون تطلبين مني أقهويك عيب عليك المفروض انتي تقهويني اصلا ..ولا تقهويت . تخيلو انصدمت لأنه أول مره يقوللي هالكلام انا انربط لساني ما عرفت شقول .... تحسون تصرفه عادي ؟؟؟ والا انا اللي ما استحي ؟؟؟

35 تعليق 4,701 مشاهدة

شاركي في النقاش

سجلي الدخول لإضافة تعليق.

التعليقات

32
  1. @am_aayon_sod_1

    والله انا بشوف عادي يعني لو طلبتي منو يصب لكوفي بس يمكن هو زعلان من شي فعصب شوي عليكي

    اعذريه حبيبتي و ان شاء الله خير :27:
  2. @tgrbh_mrh

    عزيزتي تصرفك عادي الازواج مابينهم هالاشياء
    بس شكله مضغوط من شي وحط الحره فيك
    او انه انقهر انك مشغوله عنه ببنتك او ان البنت ازعجته
    بس لا تحطي الموضوع براسك وانسيه ولا تذكريه فيه
    الله يسخركم لبعض
  3. @khthny_fy_hdnk_hbyby

    عادي كان قلتي اسفه حبيبي ماكان قصدي بس حبيت امزح معاك كان قلت والله لقهويك من عيوني غاالي وطلب رخيص والله راح يستانس وعادي ابتسمي
  4. @halmh_20

    ليش انتي مكبره الموضوع : )

    لو كنت مكانك كان عذرته .. ممكن اسلوبه هذا لانه بدأ يحس بالغيره لانشغالك ببنتك

    حاولي تنسي اللي صار ترى مايستاهل .. وانا مثل الاخت اللي قبلي ,
    كان رديت بمرح وقل له معليش حبيبي انشغلت ببنتك .. وحطيتيها وصبيتي لنفسك وله وخليتي اهتمامك كله له , لان الرجال اطفال خلي هالشي في بالك


    صدقيني الحركات هذي كلها غيره : )
    هذا اللي حسيته

تابعي تجارب أخرى من هذا القسم.