شوفوا ألي صار لصديقتي أمس
بسم الله الرحمن الرحيم يابنات أنا ماكتبت هالموضوع الا أبغى الأجر و من خوفي عليكم بقول لكم قصة صديقتي وهي ألي طلبت مني أكتبها لإفادتكم صديقتي متزوجة و على قدر من الجمال بس الله يهديها ماكانت مهتمة بالصلاة تأخر الصلاة و أحيانا ماتصليها بعد هي ودها بس الشيطان كان ديم يوسوس لها هي بارة و خلوقة و نيتها زينة مع الناس بس كانت تتضايق من هالشي كانت تحس بضيقة دائما من بيتها و مشاكل مع زوجها و قبل تقريبا ست شهور كانت تطبخ الغدا و أحترق الزيت تعرفون حريق الزيت مرة خطر وبنبهكم على شي اذا صار عندك حريق زيت لا تكبين عليه موية أنتبهي شفت عالإيميل مقطع لوحدة مشوهة بسبب هالشي لأن الموية راح ترفع الحريق من القدر إلى السقف بسرعة الحمد لله البنت كان عندها خلفية عن هالشي بس تعرفون في نفس اللحظة الواحد ينسى كل شي تقول بغيت أصب الموية بس الحمد لله تذكرت أن هالحريق تنطفي بس بفوطة رطبة ترمينها عالقدر بحيث تغطي النار و الحمد لله طلعت منها بحرق بسيط في يدها تقول عرفت أن هذا انذار من ربي على اهمالي في صلاتي كل ما شافت الحرق دعت الله يغفر لها وصارت تصلي كل فرض بوقته فترة ورجعت حليمة لعادتها القديمة من تهاون في الصلاة بعدها بحوالي ست شهور كانت جايتها خدامة جديدة ما تعرف شي و البنت كانت تطبخ بقدر ضغط شاريته من فترة لما جت الخدامة قعدت صديقتي تحذرها منه و تقول لها لا تفتحينه ولا تلمسينه أبد لأنه خطر فهمت الشغالة ومرت الطبخة على خير و لما جت تطبخ أمس راحت الخدامة تسوي نفسها فاهمة لما حطت الدجاج بالقدر سكرته و نادت المدام كان القدر توه مسكر راحت صديقتي تشوف أيش حطت فتحت الغطا وطلع عليها موية حارة بس الحمد لله ربي لطف تقول ما أدري كيف الموية طلعت فجأة على أفخاذها و أسفل بطنها راحت للمستشفى و لفوا لها الجروح تقول قعت ابكي بقوة أبغى ربي يغفر لي تقول الله لطف فيني الحمد لله أنها جت على كذا من جد يا بنات ربي راحمها للحين هي مصدومة و مو ناسية ألي صار نات خلوكم قريبين من الله وبتشوفون كيف الراحة الله يحفظنا يا رب بنات أدعوا ربي يثبتها و يبعد عنها وسوسة الشطان و يفتح لها أبواب الخير و الرزق و كل المسلمات يارب. و اسفة عالإطالة