قصتي والتختوره الشعبيه:(

بسم الله الرحمن الرحيم
السلام عليكم ورحمة الله وبركاته..
والله ترددت قبل لا اكتب هالموضوع..بس والله من خوفي عليكم قلت مابدهاش لاااااازم احذركن واقولكم قصتي علشان تنتبهن لايصير لكم ماصار لي..
انا ياطويلات العمر عندي تعب في الارحام ومضيق صدري مررررررره ..فقمت سويت بحث في النت عنه وحصلت الحريم يمدحون المعالجات الشعبيات والممرخات واخذت رقم وحده من المنتدى ورحت لها وياليت مارحت..
الحرمه شكلها حبوبه وقالت عندك ميلان ويبي لك تمريخ كم يوم وعطتني ادويه شعبيه..وتحاميل ..وصراحه تمريخها غريب مو لذيك الدرجه..المهم قالت استخدمي العلاج 14يوم وتعالي الشهر الجاي نكرر التمريخ و العلاج ..واستخدمت علاجها 12 يوم بس بعدين ماقدرت اكمله جاني تعب شديد والله يعزكم صار البول (عذراً) ماينزل وبعد يومين رحت من شدة الالم للإسعاف وبعد التحاليل قالوا الكلى عندك تعبانه وحولوني عالعياده الخارجيه والدكتوره قالت انتي لازم تتابعين في مستشفى مواعيده قريبه احسن لك.. وسوت لي موعد اشعة ..والله يستر من تاليتها..
حبيت انبهكم لإنه احنا للأسف مهما تعلمنا ماعندنا وعي ونصدق كل شيء ..يعني تمريخ معليش لكن علاج ماندري وشو ونبلعه هذا الغلط ..مادري وين عقولنا..والله يكفيني وياكم كل شر..

49 تعليق 4,235 مشاهدة

شاركي في النقاش

سجلي الدخول لإضافة تعليق.

التعليقات

48
  1. الله يشفييييييك يالغاليه000
    والله وانتي الصادقه هاللمرخات اخذوا الشغله دخل لهم000تبي تاكل بس 00
    وماهمها الحريم000ياما سمعت قصص 00تعور القلب
    لكن كلاا عقله براسه000يعرف وش يستخدم00
    الله يشفيك وييسر لك امرك
  2. @mlkny_ghlahm

    صدقتي يابنت برق والله انا اعرف وحده من جماعتنا مالها بالامور هذي ابد وشوفيها الحين تعالج والعالم عليها زحمه :mad:

    الله يشفيك ويرزقك بالذريه الصالحه
  3. @gar_alkmr_3

    الله يقومك بالسلامه وما تشوفين شر
    الله يهديك لازم يجيك التهاب بالكلى علشان تعرفين ان المعالجات الشعبيات مجرد وهم
    لمى كان ما فيه اطباء وطب كان وجودهم معقول لكن الحين وجودهم اخطر من فوائدهم للاسف
  4. صاحبة الموضوع
    رومنسيه بقووووه
    الله يشفييييييك يالغاليه000 والله وانتي الصادقه هاللمرخات اخذوا الشغله دخل لهم000تبي تاكل بس 00 وماهمها الحريم000ياما سمعت قصص 00تعور القلب لكن كلاا عقله براسه000يعرف وش يستخدم00 الله يشفيك وييسر لك امرك
    جزاك الله خير ياقلبي على الدعوة..
    ومشكوووووره..
    والله يرزقك الذرية الصالحة وييسر امرك..

تابعي تجارب أخرى من هذا القسم.