ابي احكيلك اوضاعي

أبحكي لك عن أوضاعي وأبيك اليوم تسمعهـا ..

.. أبي من وقتك الغالي ولو لحظـه وتسمعنـي ..

.. أنا جيتك بعد ما ضاقت الدنيـا مـن أربعها ..

.. جلسـت البـارح ألحالـي لأنـك ماتكلمنـي ..

.. وأشوف هموم هالعالم تجي عندي واجمعهـا ..

.. حبيبي اعتذر مره وآقول أرجوك سامحنـي ..

.. وأنا مثلك بعـد آسـفة وهالزعلـه نضيعهـا ..

.. ترى مالي أحد غيرك إذا أنت تخاصمنـي ..

.. تطيح الدمعة من عيني ويجري غصب مدمعها ..

.. طلبتك لملم أشواقي كفـا البـارح تبعثرنـي ..

.. قسم بالله بس تزعل أحس الـروح أودعها ..

.. حرام العمر يسرقنا حبيبي أرجوك تفهمنـي ..

.. تعب صوتي اناديلك أبي روحـي ترجعهـا ..

.. دخيـل عيونـك الحلوة تبسـم لا تجننـي ..

.. ترى روحي من البارح وهي تنقل مواجعهـا ..

.. زعلت وجيت أبشكي لك بعد عمري تصدقنـي ..

.. كرهت الأرض فغيابك مـن أولها لسابعهـا ..

.. بعد هالعمر والعشره حبيبـي ليـه تسألنـي ..

.. احبك ؟ إيه احبك .. وخل النـاس تسمعهـا