Um hissa
تسلمين يالغالية و بارك الله لك في ولدك
خطوة جيدة ان تحضري له من يعلمه و لكن حطي في بالج عدة اعتبارات :
يجب تهيئة ولدج للأمر و ترغيبه و تشجيعه و ان هناك شخص طيب و حليو سيأتي لتعليمه القرآن
و ان الله يحب اللي يحفظ القرآن و يوديه الجنة اللي فيها كل شي حلو فيها العاب و حلويات ...
و ان انتي كل ما حفظ اكثر بتحضرين له هدية أو بتودينه مكان يحبه
عند حضور المحفظ اجلسي انت ووالده معه و اسمحوا له بالتحدث معه حتى تزول الرهبة عنه
لا تتركي الطفل لوحده مع المحفظ في مكان مغلق أو بعيد عندك انا اضع كرسي خلف الباب و اسمع ما يعلمه
تكون فترة التحفيظ في البداية قصيرة على حسب قدرة تحمل ولدج بس بدون دلع و يمكن السماح له ببعض الحركة
انتبهي لقراءة المحفظ و مخارج الحروف عنده خاصة اذا لم يكن عربي حتى لا يحفظ ولدج غلط
صراحة سعر 200 ريال مناسب جداً
استمرارية تحفيظه يعني مب شهر و بعدين خلاص احنا نعرف القرآن محتاج متابعة و يتفلت من الصدور و بصراحة وهو صغير بتقدرين عليه بس لو كبر بيكون اصعب اجباره على الحفظ .
الله يوفقج و يصلح لج ولدج و ما يخسرج تعبج فيه و تأكدي انها تجارة رابحة فهي مع الله زادكم الله من نعيمه و بركاته
اختي عيون غاليها
انتي جربي تحفظينة سورة من قصار السور و ستتفاجئين بالنتيجة الأطفال عندهم استيعاب و قدرة على الحفظ ما شاء الله عليهم
و بعدين عن الحركة لو تشوفين و لدي الله يحفظه و انا احاول احفظه ما يقعد يا سباق على الكراسي يا تنطط على السرير و يقول معاي مرة و عشر مشغول بنفسه و لعبه و ما يحفظ لين تطلع روحي
بس لو يقعد و يركز يكون افضل و لازم حد يساعدج في تحفيظه .
و ياليت يكون باللين حتى ما يكره القرآن و التحفيظ
و نفس الكلام اللي قلته لاختي ام حصة ارجع اقوله لج
انا ما اعرف احد معين بس الجرايد دايماً يوجد فيها اشخاص يعلنون انهم عندهم استعداد لتحفيظ القرآن أو امام المسجد القريب منكم
او لو احد من الاخوات تعرف شخص ممتاز في تحفيظ القرآن ممكن تقول لنا عليه و لها جزيل الشكر
و بارك الله لنا في ابناءنا و جعلهم قرة لأعيننا
بنات قطر ..حياكم
متابعة النقاش، صفحة 658