شاركي في النقاش

سجلي الدخول لإضافة تعليق.

التعليقات

2,749
  1. dody_2899
    حبيبتي انا كنت فى مركاتو النهارده و الشواية موجوده .. انواع مختلفة .. و السعر من اول 340 لحد 400 بس فعلا شكل الكميات كانت قليلة ... لو عايزاها الحقيها بقى .. سلامي للجميع



    ربنا يخليكي يا رب..انا ***** الله هطييييييييييييييييييير و اجيبها...علي فكرة كل البنات بيشكروا فيها قوي
    اجيبلك معايا واحدة؟؟؟؟؟؟؟؟؟؟؟
    متخفيش هدية :39:
  2. @am_abyha74

    [quote=amalali;33384562]صباح الخير على احلى بنات اية كل المعلومات دى كنت عايزة اسئل المدبرات فى المنتدى انا كنت بعمل عيد ميلاد اولادى كل سنة برة البيت يا فى النادى يا فى المصيف و السنة دى هعملة فى البيت نتيجة الازمة الاقتصادية العالمية التى طرات على بيتى فهل من مقتراحاتكم علشان يبقى عيد ميلاد لذيذ وشكرا[/quote]

    لأ نصيحة خليكي زي ما انتي برة
    بس كفاية تورتة كبيرة شوية وشوية ساندوتشات او ساليزونات والأطفال أصحابهم بس
    البيت دربكة وهتوسع منك
    انا الحقيقة ما عملتش الا اول سنة وبس وبعد ما عملت حسيت ان حرام لافلوس دي كلها على الأكل والناس طبعا جابت لي هدايا وقعدت بعدها طول السنة ارد وادوخ على المحلات علشان اجيب الحلو والغالي والمناسب وهكذا
    بس بنتي كبرت دلوقت وبقت بتفهم وعاوزة تعمل فبافكر ان شاء الله اجيب لها التورتة وأخدها لها الكلاس بتاعها في المدرسة وبكده افرحها وما اضطرش اعزم الناس وتجيب هدايا وارد والحكاية دي بس لسة مش عارفة
    عامة ماكدونالدز بيعمل افكار ظريفة وممكن يتكلف عنده 500 او 600 بالوجبات للكبار والصغار غير التورتة طبعا


    [quote=اميرةعربية;33386794]طيب ماهو لو شقة اوشاليه يبقي انت مضطرة كل يوم تطبخي وتحضري فطار و غدا وعشا وغسيل مواعينننننننننننننننننننن................
    يبقي اجازة ايه دي؟؟؟؟؟؟؟ وكمان احنا مش بنحب كل يوم اكل جاهز ده مش صحي خالص خصوصا للاطفال وكمان غالي تلاقي نفسك بتدفعي نص المصيف اكل
    عايزة اعرف كمان ايه احلي اماكن بتحبوها
    يعني الساحل ..مطروح .. ولا البحر الاحمر
    انا بحب الغردقة وشارم عشان فنادق نظيفة وباسعار معقولة ومابعولش هم الكل كله اوبن بوفيه
    جوزي بيعشق مطروح عشان الجو الجميل والبحر الصافي بس مابنعرفش ناكل ازاي هناك[/quote]

    تكونيش متجوزة جوزي هههههههههه
    بصي يا ستي مطروح يعني مطاعم الجيش تتفقي معهم من الصبح بالذات اللي في الأبيض أو المشير احمد بدوي اكلهم الاتنين حلو بس تحجزي وتتغدي بدري علشان بيشطبوا على 5
    انا السنة دي عملت حاجة اخدت اللحوم كلها متتبلة من هنا في آيس بوكس وهناك السوبرماركتس بقت فظيعة اتغيرت خالص وكلها بتبيع خضار فبقيت كل يوم اعمل نواشف اى حاجة قبل ما انزل مكرونة مثلا اسلقها واغطيها واجهز الصلصة واول ما نرجع اقلي بانيه او بفتيك وشوية سلطة ودمتم
    لو فراخ مشوية احطها في الفرن تستوي قبل ما انزل ويدوب احمر وشها الصبح
    لأ وكنت باعمل حلو كمان جيلي ورز باللبن ومهلبية كلها حاجات بسيطة
    بس خلاص
    على فكرة انا طبعا افضل الفندق علشان ما اغلبش في المطبخ والتنظيف وكده بس جوزي بيفضل شقة ليه بقى، دي قصة طويلة مسيري احكيهلكم وافضفض :icon33:
  3. @am_abyha74

    البنات اللي في مدينة نصر عاوزة محل شوزات اطفال حلو في عباس العقاد بسرعة الله يكرمكم علشان هانزل كمان ساعتين ان شاء الله
  4. @roshana

    أم أبيها74
    البنات اللي في مدينة نصر عاوزة محل شوزات اطفال حلو في عباس العقاد بسرعة الله يكرمكم علشان هانزل كمان ساعتين ان شاء الله
    فى محل شياكة اسمه كلاركس واسعاره متفاوتة ميرو قالتلى عليه وانتى عارفة زوق ميرو بقى مش اى حاجة :)


    عارفة محل الكبير بتاع شوزات الحريمى اسمة 3m واخد ناصية على عباس وشارع جانبى المحل كلاركس بتاع الاطفال فى الشارع دةمش بعيد خشى الشارع وبصى على الشمال هاتلاقية اخر محل او قبل الاخير


    بس انا جبت للبنات من التوحيد والنور على فكرة عندة حاجات حلوة واسعارة معقولة لو تقدرى تبصى علية الاول يمكن تعجبك حاجة

تابعي تجارب أخرى من هذا القسم.