3 سنوات وماندفع لى من مهرى ريال ولا مصروووف

قصتك غريبة صراحة ...!!!


معقولة تصير الملكة ولا تستلمين مهرك وش هالاستهتار ..؟؟


المفروض تآخذين مهر حتى لو ريال بس المهر واجب للعروس .. والمؤمنين على شروطهم ..


قالوا بيعطونكم مهر وقدره كذا يعطونكم اياه ريال ينطح ريال وماينقصون قرش ... المسأله مو مسألة فلوس بس مسألة ان شروط العقد لازم تنفذ بحذافيرها ...


وبعدين كيف بتتزوجين بعد رمضان وانتي مااستلمتي مهرك ولا جهزتي نفسك ..؟؟


أول مره أسمع شي زي كذا صراحة ... خليك حازمة معاه وقولي مافيه زواج لين أستلم مهري واجهز نفسي من الآن أنا ماني ناقصة عن غيري .. واذا مافرحت وانا عروس متى افرح ...

كلام عين العقل

اهلين فيك حبيبتي الله يهون عليك
تكفين لاتقدمين على هالزواج الكتاب باين من عنوانه اذا ما دفع هالحين اشلون بيصرف عليكي بكره
وانتي شايفه انك في هم وظيقه هالحين ترى القهر الي بعد الزواج اقوى بمليون مره اقل شي انتي هالحين معززه ومكرمه فبيت ابوكي بس بكره بيموتك جوع ولا احد درى عنك ولا احد بيلومه لانك زوجته
والله العظيم اني زعلت عليك من كل قلبي
ياحبيبتي الله يرضى عليك وربي يرزقك من عنده الزوج الي يثمنك ويعرف قيمتك ولا تفكرين بلحظه ان ناقصك شي عشان انسان ما عرف قيمتك
بيدك الان تتركيه وتتطلقين قبل مايجي الفاس بالراس
والله ييسر لك الي فيه الخير ويعينك

نصيحه اتطلقي والله يعوضك باللي احسن منه.....

و هذا النجدي ما لقى في ديرته بنت ياخذها <<< طبعاً لا لانه مكشوف هناك



ما سألتي نفسك ليش ترك ديرته و بنات مجتمعه علشان يخطب واحده من القرى ،،،
لا و من منطقه ثانيه




نفس القصة تتكرر دائماً .. شخص يروح يخطب من قرية بعيده عنه و البنت توافق طمعاً في الخروج للمدنيه ،، صارت الوحده ترخص نفسها و تقدم تنازلات ،، صارت تكذب على ابوها اللي رباها عمرها كله علشان خاطر واحد ما تعرف خيره من شره ،،، وصلت الحالة انكم صرتوا تحلفون بالله كذب



علشان ايش كل هذا ...
انتي على كلامك من قرية صغيره و موظفة ،، تتوقعين ايش بيصير إذا رحتي معاه لديرته !!!!؟؟؟؟




انا اقولك ... انواع الحكره يعني بالعربي بيصك عليك صكه تكرهك الدنيا و اللي فيها ... ترى كل اللي شفتيه و لا شئ
من الآن اقول لك ...




و بعدين احنا يا أهل المدينه ما لقينا وظايف و احنا انجليزي و دورات ،، تجين انتي تلاقين وظيفه بالسهولة هذي ؟؟؟



اقول يا "حبيبة هاشم"



عندي لك سؤال بسيط : مين هاشم ذا اللي انتي حبيبته ؟؟؟؟ عسى ما هو نفس اللي خاطبك .. شكلك يوم سجلتي في المنتدى كنتي طايره فيه و هو بالنسبة لك حبل النجاة..



نصيحة مني



الفلوس اللي راح تدفعينها جهاز و خرابيط ما يستاهلها .. ادفعيها له علشان يطلقك
لأنك في النهاية بتضطرين تردين له مبلغ الاربعين الف ريال اللي ما شفتي منه و لا ريال ،، لانه ما راح يطلقك بسهولة إذا دخل عليك .. و إذا تزوجتيه و رحتي معاه و تركتي وظيفتك ،،،من وين بتدفعين له المبلغ علشان تخلعينه.. و لا بتخلين المسكين ابوك يتدين علشان خاطر احلامك الغير واقعيه
========




صورة مع التحية لكل فتاة في قرية و تحلم انها تروح للمدن الكبرى تحسب ان الخير هناك ،،، و الله اننا عايفين انفسنا و انا شخصياً ما القى الراحة و السكينه إلا لما اروح عند خوالي في ديرتهم في جنوب المملكه القلوب الطيبه و النفوس الزينه ،، الله يحفظهم و يديم عليهم المحبة ..