&*&*& يوميات الجزء 7 معا لشعر اطول

السلام عليكم حبيبات قلبي ..

أخباركم وحشتوني كلكم بدون استثناء ...

ما شاء الله تبارك الرحمن عيني عليكم باردة فوز وشوشو وفراشة ودموع مجتهدات ومثابرات ومحركات التجمع الله يسعدكم ويخليكم .. شدوا حيلكم واستمروا للاحسن ..

وثانيا كاني شامة ريحة يئس من رشا حبيبة قلبي .. رشا ياحبيبتي تدرين اني خلاص تقريبا كملت السنة على العناية المتواصلة والمكثفة وانا كنت من اكثر من سنه معتنيه بس مو ذيك العناية .. ويادوب بدت ترجع لشعري صحته وعافيته ولسا الحمد لله فيني امل كبير جدا بانه راح يصير مثل مانفسي يكون ولا يئست ومواصلة عناية وكل مرة اطور زيتي الين ماشوف نتيجة حلوة .. فلا تيئسي واصلي ياقلبي وصدقيني بتشوفي نتيجة حلوة ..
بالنسبة لزيت هيمتاج انا جربته مره وحده وماطولت عليه اكثر شيء تشوفيه منه النعومة يعطي نعومه حلوة للشعر فاستخدميه وكمان بتجمع بنات دابر املا بادين فيه لهم اسبوع او اقل شيكي بين فترة والثانية وشوفي ايش رئيهم فيه .. اما الخروع اهم شيء يكون ثقيل لو تاخذي الي ينباع بالصيدليات الي ياخذوه الحوامل عشان الولادة اكيد مفيد لأنه مخصص للشرب ولا تبع معاصر الاحلام او اي معصرة تثقي فيها .. طيب ليه ماتضيفي الفلفل الحار لزيتك انا احسه حلو للشعر واحس شعري تعدل من ناحية النعومه والملمس خصوصا لمن اضفت كمان زيت كيشور دهني ..
ونصيحة زيت البقدونس الي اسويه مره حلو للشعر ومفيد وعلى فكرة قريت عن فوائد البقدونس ويحتوي على فوائد كثيرة وهذا نسخ لكلامه عنه :

المحتويات الكيميائية للبقدونس: يحتوي البقدونس على زيت طيار يضم هذا الزيت مركبات هامة منها حوالي 30٪ ميريستيسين وحوالي 18٪ أبيول ووترينيات ثلاثية وفلافونات وفثاليدات وكومارينات أهمها البيرغابتين وفيتامين أ، ج، ه ومستويات عالية من الحديد والكالسيوم والفوسفور والمنغنيز والكبريت والبوتاسيوم والصوديوم واليود والنحاس والكلوروفيل.

شايفة كيف فوائدة وانتي على راحتك ممكن تغليه قبل كل غسله لشعرك عشان ماتطير فوائده وتخليه كشطفه اخيرة لشعرك ولا ممكن تضيفي مغليه للشامبو تبعك ولا مثلي تضيفيه لزيوتك بس تكفين ياقلبي لا تزعلين نفسك واصبري وربي ماراح يخيب املنا ابد ..

حبيبتي شوشتاى ياقلبي عندي لك طريقة بالنسبة لبذر القطونا لاتحطيها مع الحناء اغليها وخذي الجل تبعها وحطيها مع حنتك باقي الاعشاب اطحنيها ناعم جدا حتى الحناء وبعدينن انخليها مزبوط عشان اي قطع مانطحنت تبقا برى وهكذا بتنغسل معك بسهوله وعندي كمان طريقة بالنسبة لاعشابك ممكن تجمعيها كلها وتخلطيها ولو مطحنتك مي قوية يعني تتعبك بالطحن خذيها معاك للطاحون تبع البن والاعشاب وخليه يطحنها لك بس يكون عندك كمية تكفيك فترة مو كل مرة وانتي بتعبي نفسك وتطحنيها والله يوفقك ..

السلام عليكم
بالنسبة للحنا أنا لما بغسلها بمشط شعري بالمشط والماء نازل عليه وبهذه الطريقة بينظف شعري من الحنا والأعشاب بمنتهى السهولة
وطبعا بكون ممشطة شعري قبل وضع الحنا

صباح النور والسرور حبيبتي

كامينو موتو تبعير خلص بس حرك شعري حبتين ومعد كملته
بالنسبة لخلطة بنتك مره حلوه وخفيفة وهذي اهم زيوت للشعر ..
بالنسبة للحلبة كثير يمدحوها بس حطي في بالك اول ماتتركيها راح يطيح الشعر منها وغير ريحتها عشان كذا ما انصحك فيها ابد حتى تجمع زيت دابر كذا وحده تذم بالحلبة وكذا وحده تقول صح طلع لها شعر وطول بس لمن تركوه طاحت شعورهم ..
بالنسبة للفلفل صراحة هو وزيت كيشور ودابر اضفتهم لخلطتي واخذت خردل حب وطحنته بالهاون وصراحة روعة للشعر حتى ملمسه يفرق كثير عن اول بس طريقتي اني احط فلفل شرائح مع الخردل مع البقدونس المطحون على زيت الزيتون والنارجين والسمسم ع النار بحمام مائي ولمن يسخن مزبوط اشيله واحطه ع النار واول مايغلي اطفي عليه واغطيه الين يترسب تحت واصفيه واضيف لهم الدابر وكيشور والخروع والقطران واللوز المر واحطها بعلب قزاز طبعا قبل فترة قال جابر القحطاني بمنتداه انه افضل زيوت للشعر الخروع والنارجين ونسيت الزيت التالت بس قال تخلط وتنحط بقارورة قزاز عنبرية يمكن عشان ماتتعرض للضوء وتخرب محتوياتها وهذي راح اسويها ان شاء الله مع زيتي الجديد جربيها ان شاء الله تشوفي منها الفايدة باذن الله ..
بالنسبة للشامبو مالي شامبو معين ومع الاجازة اخذت شامبو اجنبي اسمه جون فريدا واخذت الي للشعر البني وكأنه بدأ يقلب شعري على بني غامق وماشي حالي معاه ..
انتي انزلي اي صيدلية كبيرة وشوفي انواع الشامبوهات واقري فيها والي تحسيه مفيد خذيه على فكرة مره لقيت بالنهدي شامبوهات بالاعشاب مثل اكليل الجبل وغيره بس غاليه على 40 ريال والشركة اسبانية او حاجه كذا فما اخذتها كثير عليها 40 والعلبة صغيرة ماضمنت تكفيني بس لو لقثيتها هنا بجدة يمكن اخذها ..

ويارب يسهل على اختك ولادتها ياقلبي ذكرتني بنفسي انا اخذت الشهر العاشر كله تخيلي ودكتورتي باردة ماهتمت تقلي اخذتي ثلاث اسابيع ولمن رحت ع الولادة قالوا انتي خلاص مخلصة العاشر وطلق صناعي وحالة بالاخر قيصري ..
ويارب تولد طبيعي وماتحتاج للصناعي ..