مليت من شغل البيت تعالوا اناقشكم ...واشرحوا لي

نسيت اقول لك حاولي التنظيف العميق يكون يوم الثلاثاء والسبت عشان لو بيجيك احد يوم الخميس ولا الاربعاء بيكون البيت مابقي له الاشي بسيط وحددي لك يوم الخميس ولا ربعاء لخرجاتك ولا تزورين فيها
ولو تصلحين يوم الاربعاء حلى وتخلينه بالثلاجه احتياط لو جاك احد يكون عندك حلا

اكيد يالغلا بالنسبة لي عندي شغالة وماعندي الا بنت وياويلها لو كبت شئ ولاوسخت والعابها بغرفتها ماتجي الصالة

ياتجلس او تاكل او تناظر التلفزيون ومع ذلك حوسة ماقولك وسخه لا يعني تلاقين المخدات ماهيب مرتبة والجرايد بجهه

والشواحن وزي كذا لانا من نقوم الين انام بهالصالة فطبيعي تكون كذا اهم شئ مايصير فيها وسخ وقراطيس وزي كذا

انا عندي خدامتين و مو ملحقين ....شلون لو ماعندي خدامه...... اموت.....

اختي مالك إلا تجيبي شغاله للبيت صحيح بدونها راحه نفسيه من ناحية الامان بس والله بدونها كرف وتعب ماله اول ولا اخر والله شغل البيت مجهود ضايع مامنه فايده احسن لك جيبيها وانتي تفرغي لعيالك وزوجك ولنفسك<<<<<<<وحده مجربه

ماشاء الله عليك وضعك أحسن من غيرك
تدرين يبغى لك ناس تشجعك وتتبادلين معهم الزيارات بدون تكلف:39:
لأنك راح تتحمسين معاهم ويصير بينكم مثل التنافس .
إنتِ تحسين بإنك محبطه لأنك ماتعتمدين على جدول معين
يعني تحسين كأنك مطارده وتركضين يمين يسار.. وتلهثين :09:
بس ماتحسين بطعم الإنجاز:icon33:
شوفي الشغالات الإندوسيات كيف ينضمون وقتهم
خصصي أيام لك معينه للتنظييف العميق
وساعات معدودة للتنظيف السطحي
يعني مو كل حياتك شغل :eek:
والغرف الي ماتحتاجينها على طول مقفله .

وأنا شريت من كارفور أغطيه خطيرة للجلسات كلها مطاط
يعني ماأشيل هم الغبار .. وزي ماقلت لك قبل غلفي التحف ببلاستك شفاف
وكمان أنا عامله في البيت صندوق إذا ناويه أطلع من البيت أجمع فيها كل شيء مرمي على الأرض وبعد ما أرجع أو من بكرة أقوم بالفرز
أو أنادي عيالي كل واحد يأخذ أغراضه
لاااازم العيال وأبوهم :arb: يحسون شوي



أنا بيتي كبير
وكنت لما أمسح الأرض :42:
أقنع نفسي أنها رياضة وصحة لجسمي

الكل يعاني
والمشكله مو فيك ياحبيبتي
المسأله يبغى لها جهاد
وخصوصا" إني فهمت من كلامك إنكم قادرين تجيبون شغاله بس ماودك فيها .

أختي العزيزه
صدقيني إعتزالك للناس ماراح يريحك
بالعكس تبادل الزيارات بتجدد فيك الحماس والنشاط لأنه إذا ذكرتي إن الناس راح تجي وبتشوف بيتك الجميل
و لما يكون بيتك ممتاز ونظيف من غير خادمة ...راح يكون لك حافز نفسي يدفعك للإستمرار
أم العزله تزيدك كسل ..وأعتبرها إنهزاميه :(معليش لاتزعلين ياقلبي من كلامي
عيشي حياتك وإتمتعي وترا البيت الكبيرعلى قد ماهو متعب في التنظيف أريح مليون مرة من الشقة الصغيرة على طول يبان فيها الكركبه :angry2:..
هوني الأمور والله راح تهون وخصوصا" الكوي برا البيت لأني أعتبره أصعب شيء على المرأة ويضيع عليها الوقت
وعندك ولله الحمد من الأجهزة الي تساعدك في سرعة الإنجاز ..بقى الهمة منك والنشاط
وتخيلي كل عمل تعملينه عباده
ومعليش تقدرين تستعينين بشغالة أختك أو الأهل مرة في الأسبوع
لأنها بتكون أفضل من الشغاله المستأجرة وخصوصا" إذا عطيتيها هدايا وفلوس
أنا قلبي والله دائما" مع الحريم الي يعيشون بدون خادمات ودائما" أعتبرهم والله ناجحات وأمهات يستحقون كل الإحترام والتقدير ولهم مني ألف تحية وأجمل تهنئه :26:
وينحطون تاج على الرآس