السمكة لحرة باسهل طريقة واطيب طعم جربوها وادعولي

لمقادير سمك على ذوقك انا مابعرف اختار زوجي يجيبة وانا اطبخة
جوز بهار السمك وازا ماعندك جاهز انا بحط رشة قرفة ملعقة زغيرة كزبرة ملعقة زغيرة فليفلة حمرا ملعقة زغيرة فلفل اسود واكيد سيد التوابل الملح
كاسة زغيرة طحينية
كاستين زيت ابيض (زيت درة )
كاسة كبيرة دبس فليفلة
توم راسين
والان نبدا بلطريقة اول شي نعمله نقول بسم الله الرحمن الرحيم
نحط السمك بصينية الفرن ونرش علية ملح وشوية زيت زيتون لينشف المي يلي بتكون فيه
تاني شي بهي الفترة يلي هو بالفرن منعمل الصلصة يلي هيي دبس الفليفلة كاسة كبيرة منحطلا كاستين او تلاتة مماء كبيرة ومنحط الجوز والبهار ولتوم ومنخلطون شوي ولما تنشف مية السمك منطالع الصينية ومنوزع الصلصة لازم ننتبه انو المي رح تعملي منها صلصة وتحطيها بالزبادي لو بتحبيها كتري المي شوي
ومنرجعا على الفرن
نتركا تقريبا نصف ساعه وبعدين ازا حسيتي انو السمك استوى ( بتجربية بعود سنان تحت راس السمكة )
بتطالعيه وبتضيفي الطحينية يلي مدوبة بالزيت وبترشيها عليى الصينية (كاسة طحينية صغيرة وكاستين زيت ابيض صغار ) وبتتركيا خمس دقايق ولما تتجانس شيلي الصيني ومن الفرن وماكول الهنا لاتتكريها بالفرن حتى ماتنشف
انا بعتذر مافي صور بس هي اخر وصفة بلا صور رح اتعلم وصير احطها
جربيها ومارح تندمي
لو حبيتي تزيدي الجوز في الصيني زيدي انا ماحددت لتحطي على زوقك توم وجوز وبهار هي انا تركتا للزوقك واللي بتحبو العيلة
ادعولي الله يخفف غربتي وشكر