&*&*& يوميات الجزء 7 معا لشعر اطول

السلام عليكم صبايا ..
اخباركم واخبار شعوركم ؟

رشا حبيبتي الله يطلع البنوته بالسلامة وتقر عين امها فيها واسم جوانا مره حلو تدري انا كنت افكر اسمي اسم قريب منه لو جبت بنوته بحملي الاخير بس رزقني الله بولد الله يخليه لي والاسم هو جوان يلا بالحمل الجاي ان شاء الله لو جبت بنوته اسميها بحول الله وقوته ..

فايزة حبيبتي انا لمن سويت فرد الحناء بالاعشاب بالبداية كان جاف واخذ على كذا اسبوع وشوي او اسبوعين وكنت ازيته كل يومين بس بعد الاسبوعين رجعت له حيويته .. وحطي في بالك اي حناء بالاعشاب بالبداية لازم جفاف بس استمري بترطيبه عندك الخروع والذرة هذي زيوت ترطب الشعر كمان البابونج واعملي حمام زيت وبعد فترة بسيطة ان شاء الله ترجع له نعومته لا تخافي ..

غرشة انا لاحظت بشعري في كل مرة افكر اطوله انه لمن يكون قصير مايطول الشعر على سيرة الين يتعدى ربع الضهر بعدها تلاحظي الشعر يطول اسرع سبحان الله مدري ليه ..

شوشتاى حبيبتي يمكن الصبار الي بالحديقة قديم او كبيرة يعني لها فترة طويلة افضل انك تروحي لمشتل وتشتري صبارة صغيرة يكون افضل ..

باقي الصبايا لكم وحشة والله ..

يومياتي انا عشان الاسبوعين الاخيرة انشغلت وسفر كنت يادوب ازيت كل خمس ايام وبتدى شعري قبل يومين يتساقط بس على خفيف ورجعت ادهنة يوميا الين يرجع يتأقلم ويبطل تساقط ومنها ابغاه يتحسن اكثر منا للعيد وعندي مشكلة بشعري بدأ يلف من تحت وينكسر من اطرافه والله زعلت ولا ودي اقص ماصدقت يوصل ربع ضهري ولو قصيت لازم حق 2 سم او 3 ويصير كأنك يابو زيد ماغزيت ايش اعمل احد عنده حل ..

ويابنات الي تستخدم كريم مكسام وحده من البنات ردت عن موضوع يخصه وقالت طريقة حلوه لاستعماله انه امها كانت تاخذ منه فرضا ملعقة وتحله بموية وتمشط امها بالمحلول هذا شعورهم ولا تدهن الشعر وفي نفس الوقت يوصل صح للشعر انا عجبتني هالطريقة وراح اسويها باذن الله ..

والله يوفقكم جميع ..

جربتها وجربت موية البقدونس مابقاي الا الاهم وهو الدعااااااااااااااااء والتوكل على الله

والدكتور قال لازم حقن وطبعا رفضت



تصدقو يابنات اني اتجننننننننننننننننت والسبب







































شعر الحرمة الي لابسة اسود في دعايات زيت دابر املا في mbc1لونة روووووووووعة سواد يهبل واحس فيه لمعة لااله الا الله

صرت افتح فمي لمن اشوفها واقول ماهي احسن مني ليش ما تشجع واهتم زيادة واصير زيها
:icon28:

لموس : حتى انا الدعايه روعه والشعر جنان
والدعاء والتوكل على الله خليه اول شئ سواء تحسن الشعر او لا ..

لازم تستمري ماتقولي يوم ويومين وخلاص مافيه زي هنا مخضرمه الافتافت لها سنه وانا من تاريخ تسجيلي في المنتدى وانتي احسبي
وشعري ماتحسن زي ما اتوقع ماشاء الله بعض الناس من 3 شهور فقط وتحسن
وانا يدخلني الملل والضجر بس افكر واشوف ما معي غير الاهتمام فقط

المشاط خليه مره بلاسبوع مع الحناء هذا احسن شئ استخدمته
الزيت مافيه شئ مشى معي صح عشان كذا قاعده ادور على زيت جديد

شدي حيلك ولاتيأسي وبلا ش حقن افضل خليكي على الفيتامينات والزيت والحناء وخليه برنامج مدى الحياه وانتظري وشوفي الله كريم بس بلاش يأس ..