خواتي انا ولدت بتاريخ 5/8
وكنت باسبوعي الــ 34
والسبب كان توقف نمو الطفل
ولادتي كانت بمستشفى الصباح
و وزن الطفل 2,290
وطفلي الى الان بالحضانه عندهم ونقص وزنه 200 غرام
اعطوه الحليب امس وكان عايش على الدريبات
بحكم خبرتكم ابي نصائح منكم كيف اتعامل معاه لما اطلعه عندي بالبيت
كيف اعطيه الحليب ؟ وشنو احسن نوع ممكن يزيد وزنه ؟
كيف اسبحه ؟ وكيف اتعامل مع الترجيع والاسهال او الامساك لا سمح الله ؟
هل ممكن يرضع وهو نايم ولا لازم اقعده من النوم واعطيه الحليب ؟؟
والحليب كل كم ساعه اعطيه ؟؟ يعني كل ساعتين ولا اربع ساعات ؟
وكم مره يخرج باليوم ( يتغوط ) ؟ وكيف يكون شكله اذا طبيعي سائل ولا لزج ؟؟ اسمحولي على هالسؤال
والغازات شنو احسن شئ اعطيه ؟؟
انا سمعت عن اليانسون انه ممكن اغلي كم حبه مع مويه الحليب وكل ماسويله حليب احطله من مويه اللي فيها اليانسون
تضره هالطريقه ولا مناسبه له ؟؟
والف شكر لكم ............