امهات الأطفال الخدج هنا التجمع حياكم معانا/ الجزء الخامس

هلا جيت اكملك قصت ولدي الخديج
اول ماانولد جلس في الحظانه (العنايه المركزه) شهر وجلس تنفس صناعي يومين وبعدين قالو مايحتاج الحمدلله يتنفس طبيعي بس كانو حاطين اسلاك عليه في كل مكان رجله يدة صدرة وحاطين انبوب في انفه للحليب والله كنت احزن مره عليه واحس بالذنب مع انه قضاء وقدر بس كنت الوم نفسي لاني ما اهتميت وما كنت اراجع بإنتظام مع انه اول حمل المهم بعد مرور اسبوع تقريبا ارتفع الصفار عنده وقالو لازم تغير دم غيرنا الدم والحمدلله مشيت اموره وكنت دايما اتابع وزنه وكان يزيد وينقص احيانا ولمن وصل وزنه كيلو و800 غرام قال الدكتور راح نشيل الانبوب الي في انفه ونرضعه من خلال فمه فررررررررررحت لكن فرحتي ماتمت لان اليوم الثاني قال الدكتور لسة ماعنده مقدرة على المص ورجعو الانبوب وكانو يرضعوه من انفه وفمه والحمدلله بعد مازاد وزنه كيلو و900 غرام خرجوه من داخل (القفص) الي كان فيه مدري والله ايش يسموه...........
وحطوه على جنب عشان يشوفو مقدرته على التكيف مع الجو الخارجي وبعد يومين استلمته ولمن رحت اخذت معايه ملابسة وكان مرررره صغير ومع اني اخذتله اصغر الملابس الموجوده في السوق لكن جات عليه كبيرة وورتني الممرضه كيف ارضعه واكرعه لاني ما اعرف واول مره امسك طفل وكنت خايفه عليه مرررة ورحت جلست ببيت اهلي عشان اتعلم كيف اتعامل معاه لكن حتى والدتي كانت تقول مره صغير ومانعرف نشيله زي الناس ولانرضعه لكن مرت اخوي شطوووووره وساعدتني وكانت تروشة وتدفيه بسرعه وتدهن جسمه بزيت زيتون كل يوم
بصراحه الاشياء الي كانت مضايقتني ومتعبتني انه كان كثير الاستفراغ تقريبا بعد كل رضعه يرجع وغيرله ملابسه وملابسي كمان هذا شي والشي الثاني انه كان يصحى كل ساعتين ويبكي واقوم ارضعه يرضع 10 مل بس وماكان يخليني انام كويس لكن كنت اتحمل وقلت يسوي الي يسويه كفايه انحرمت منه شهر واعطوني فيتامينات فيرومين و v3اعتقد اسمائهم صح ومواعيد للعيون والسمع والحمدلله كل شي كويس
ونسيت اقولكم راح تتفاجو من شكل راس اولادكم الخدج لمن يطلعو بالسلامه طويل من الخف حتى كان مايقدر يتلفت يمين ويسار ينام على جهة وحدة لانه معودينه في المستشفى على بطنه وراسه يمين او يسار بس دحين الحمدلله اتعدل من وراء وطلع من فوق صار زي الاناناس(ههههههه) ومني عارفه طريقه انزله شويه الي تعرف تقولي لاني زعلانه عليه مرررررره