شاركي في النقاش

سجلي الدخول لإضافة تعليق.

التعليقات

254
  1. @shoky_dlaa

    صاحبة الموضوع
    رهوفة
    جزاك الله خير اختي محجبة ,, وتفضلوا يابنات البنت نزلت طريقة السمبوسة للمغتربات الله يوفقها ويسهل امورها ادعولها تكفون .. اليوم صورت السمبوسه الي وعدتكم فيها وان شاء الله تنال اعجابكم ونصيحه مني تجربوها طريقه سهله وتطلع لذيذه مررررر…

    الله يسعدها ويسعدك يالغاليه ..
    لاهنتي يابعدهم ..
    بس هذا الخبز توقعين موجود عندنا ببريطانيا ..؟؟؟
  2. @shoky_dlaa

    صاحبة الموضوع
    غيابك طال
    تسلم ايديك رهوفه وتسلم ايدين اسيرة الغربه بس حبيبتي ما تطلع سميكه شوي يعني احس بيجي صعب اكلها شوقي دلع الله يوفقك مشكوورة بالنسبه للسمبوسه قررت اني احم احم اعجنها والحمد لله النهار طوييييييل وقدامنا وقت يمدينا على الاكل والعبادة ان ش…
    وياك يالغاليه ..
    ماسويت شي دا مطرحك ياحبيبتي ..
    اهم شي قررتي ..
    وش اللي سعتيه ان النهار طويل ..؟
    اذا انتي ببريطانيا ..
    يأذن الفجر الساعه تقريبا 3ونص
    والمغرب الساعه 8وربع..
    يعني تطبخين وتصلين وتدعين ما انتهى النهار ...
  3. @astorh_2

    بناات تبغوون عجينه للسمبوسه تغنيكم عن العجن
    هذي من الول مااارت مرره روووعه مثل السمبوووسه
    وتقدرين تعملينها بالجبنه وترشينها عسل او شيره
    مرره روعه
    اهم شي قفلووها بالمويه والدقيق
    لا تفووتكم ودعواتكم لي ربي يسهل لي امووري


    هذي الصوره وتلاقوها عند الخضاار
    عند النعناع والكزبره ووو
    اهم شي في ثلاجه الخضاار

    تكفون لا تنسوني من دعواتكم
  4. @shooooorh13

    بصراحه ما شاء الله عليكم متحمسين بقوة للطبخ
    انا ما عندي هالاشياء ابد و رمضانات اللي فاتت الله يجزى امي وشغالتها بالجنة قولوا آمين لانها كانت تلف لي واحط فالفريز وكل اسبوع باسبوعه ومرت عمي جارتي تسوي لي كل يوم لقيمات << انواع الدلع يعني بس كنت اسوي شوربه واقلي اللي يبي زيت واللي فرن احطه ,, واسوي سحور اللي هو عشاء عالساعه 12 او 1 طبعا بس
    والحين انا متوهقه في امريكا بس طبعاً طبعاً ماراح اسوي معجنات واشياء اول شي لاني ما اعرف وثاني شي ليه الكلافه في الطبخ
    بعتمد نظام ملعقة جالكسي ( شوربة + تمر + قهوه + جبنيه (( بدال لقيمات لاني ما اعرف )) )
    واسوي رز منها عشاء وسحور بس تدرون وش ودي بس لاتضحكون هههههه ((( ابي لبن ))) << حلاة السحور بلبن والله ...

    وبقولكم شي طحت فيه لاني مقاطعه المطاعم تقريبا من هالايميلات اللي كرهتني فيها الا اذا حدتني الدنيا
    شريت خبزه مدري عجينه المهم حقت البيتزا من الول مارت وسويت انا الصوص حق البيتزا وسويت الحشوه اللي في بالي لاني مو كل شي اكله بس وش طلعت تجننننننننن ولو اعرف انزل صور نزلتها لكم ,,, جربوها بلا عجن بلا بطيخ تعب عالفاضي وهالامريكان ماخلو شي كل شي عندهم سريع وماياخذ وقت ....
    وبعد اشتروا خبز التورتيلا وخذوا انواع الحشوات (( فيه منتدى مدري ينفع اذكر اسمه المهم البنات اللي فيه ماقصروا حاطين للخبز اشكال وانواع من الحشوات ))
    ولا يهون التوست ...
    والله لا تضيعون وقتكم فالمطبخ <<< عجازه وابيكم مثلي ههههههه

    ادري طولت وقلت قصة حياتي بس ودي اسولف مع احد هههههه

    موفقين وكل سنه وانتم بصحه وسلامه يارب ...............
  5. @yalyt_any

    الله يعطيكم العافيه يارب
    والله استفدت كثييير منكم الله لا يحرمنا من بعض يارب
    انا بالنسبه لي يمكن ما اصوووم لأن وضعي بالحمل ما يسمح ابد بس كان الله عاني الفطور لزوجي
    ومرره شايله همه عجزت اتأقلم ابد دائم اتذكر فطوري في الرياض يا مع اهلي او مع حمولتي ما قد فطرت لحالي ابدددد

    وبسأل رهووفه عن السمبوسه كيف اسكرها في الاخير ؟؟؟

تابعي تجارب أخرى من هذا القسم.