ღ.•°°•.ღ تـــــجـــــمـــع بـــــــــنـــــــــات كـــــــنــــــدا 2 ღ.•°°•.ღ

اهلين ام يارا....انا مو من تورنتو لاكن حبيت افيدك بمحل حلووو وعنده فطاير روووووووعه شكلها ومفرزنه بس تسخنين اسمه الارز (arz) وهو محل لبنانى على شارع لورنس ايست ... وعنده حلويات حلوه بعد .... اتمنى اكون افدتك .......

أختي لينا المدينة..
حياك الله.. والله ييسر لكم سفرتكم..
بالنسبة للعفش، مافتحوه أصلا.. لأننا كنا مسكرينه بأقفال.. ولاأحد طلب مننا نفتحها..

وحنا مثلكم كانت رحلتنا جدة - لندن - تورنتو ومنها رحنا لوجهتنا..

الاندومي لقوها السعوديات هنا بعد البحث والتنقيب، لكن الحمدلله عن نفسي ماآكلها لأنهم يقولون فيها مواد مسرطنة..
أدري طفشتوا، كل شي صار مسرطن، بس معليش آكل مكرونة أسويها بنفسي ولا آكل شي احتمال يكون مضر..

الجبن الكاسات، مهو متوفر إلا في البقالات العربية..

والبهارات.. كل أنوااااااااااااااع البهارات لقيتها، إلا الشيبة (الشنه)، برجع أجيبها معي من السعودية ان شاءالله..

بالنسبة للحجاب، والله حنا كنا ثنتين لابسين أسود في أسود وبالنقاب لين مطار تورنتو ومحرمنا ملتحي بعد، ولا أحد سوالنا أي مشكلة..
بالعكس كانوا في قمة اللطف والتعامل المحترم.. مع اننا لخبطنا في التكت ماأخذنا شي مدري ماوقعنا شي.. والله مدري..
ومع ذلك مشونا بكل أدب..

لا وأزيدك من الشعر بيت أختي كل مامرروا عليها الجهاز يطلع صوت.. قالوالها لازم نشوف وش الصوت ذا.. فأخذتها الموظفة في غرفة وخلتها تشيل عبايتها..
وبس تأكدت.. قالت خلاص تقدرين تطلعين، واعتذرت منها عالازعاج..

فمن جد ماصادفنا أي مشكلة.. وكنت أذكر نفسي كل شوي وأقول.. (ومن يتقِ الله يجعل له مخرجا)

وأنا الحين كثير ألبس عبايتي السوداء بس حجابي ونقابي ملون لكن سادة..

بس نصيحة، في مطار لندن لو لقوا معك أي سوائل ماخرجتيها من الشنطة بيرمونها في الزبالة..
لذلك لمن توصلين ان شاءالله بتشوفينهم حاطين أكياس من هذيك اللي فيها زي السحاب (السسته)، ويقولونلك خرجي كل السوائل فيها..
طبعا من ضمنها الكريمات والمراهم واللوشنات، الجلوس وحنا احتياطا حطينا الروج، قارورة الموية أو الأدوية أو سوائل للأطفال، العطور....الخ
وأفضل، لاتحطين في شنطتك إلا الشي اللي مرة مهم عشان لاتتوهقين في التطليع والتنزيل

وبس..
بالتوفيق..

طلعووووووووووووووووووووووووووووني عندكم على كندا أشتغل وأكون مستقبلي وحياتي ....

السلام عليكم

أنا قدمت أوراقي كهجرة الى كندا الى مدينة calgary
والمحامي الحينة شغال في الاجراءات

لكن خوفي من المدارس

ياليت اللي في كندا تدخل وتتكلم لنا عن المدارس هناك

وترد على الاستفسارات

لاني متوهقة أخاف تطلع المدارس مختلطة

أو كلها مدارس ليلية او داخلية ومدري شو


أنا عندي أطفال بنات وأولاد

البنات صبايا في الثانوي والاعدادي
الاولاد مابخاف عليهم

أهم شي عندي البنات

ياليت تدخلن وتبردن ناري لاني مضطرة للهجرة :icon33:

الله يعينكم ويوفقكم
انا ماني بكندا لكن حبيت اقترح عليكي المدارس الاسلاميه بالرغم ارتفاع اسعارها لكن تبقى افضل من الاختلاط ومشاكله
موفقه اختي