يارب تساعدني..زوجي طلع يخونني ابشع خيانة
السلام عليكم يااخوات..اناابكتب لكم معاناتي واتمنى القى من يساعدني او يلقى لي حل..انا متزوجه من سنتين وعيشتي على قد حالها وربي ماكتب لي الزوج الصالح فابتليت بزوج الله لايوريكم..بالبطاقة متزوج ولاهو عايش حياة العزوبيه والحرمه عنده ماتسوى شي..انا رضيت بحظي ونصيبي وعشت هالسنتين وانااتصبر واقول يجي يوم ويتغير..بالاول كنت واثقه فيه وياغافلين لكم الله وشوي شوي الاالاحظ عليه تصرفات غريبه..كان جواله دايم مشغول ولاانتظار واحيانا بالساعات ولاسالته قال شغل وبعدين طلع جوال ثاني ونفس الاول والفواتير تجي بالالاف بس مايخليني اقراهاوبعدين صار يخاف امسك جوالاته..ولويبي يدخل الحمام تكرمون قفلهم..وبعدين صار يقفل جوالاته قبل مايدخل البيت ومايفتحهم الالاطلع وانا مومعه طبعا..انا استشكيت وبديت اراقبه واحاول افتش جوالاته من دون مايحس وهذا اللي صار..آه يابنات ماتخيلون اشكثر انصدمت وانهارت اعصابي..ارقام بنات ....... وبالاسماء بعد ورسايل حب وغرام منهن ومنه وعتاب وسواليف ومكالمات صادره ومكالمات وارده ورسايل اتفاق على اماكن اللقاءات والاسواق وشي فظيع خلاني انوح ايام وقلبي يتقطع والله يابنات دارت بي الدنيا ومدري وش اسوي..وانا الحين اترجاكم تساعدوني وصدقوني راح ادعي لكل وحدة ان ربي يوفقها ومايبلاها بمثل مصيبتي ولاتقولون لي كلمي اهلك اواهله لاني اناادرى فيهم وماراح استفيد شي غير الفضيحه وخراب البيوت وبرضوه مستحيل اقوله لاحد من صديقاتي لانه ماعاد فيه امان وعلى فكره انا لمحت وصرحت كم مره وللاسف كان يعصب ويثور وينكر ويقلب السالفه علي ويطلعني انا اللي نكديه ومايجي البيت بالايام لحد ماصرت اكتمها بقلبي وانطم..لكن والله يابنات مبين بشكلي ان الهم اكلني اكل وخصوصا اني حامل وولادتي قريبه وراحمه هالمسكين اللي ببطني وش كثر بتاثر فيه هالانفعالات..انا منتظره ردودكم وعسى كل وحدة تجبر بخاطري ربي يجبر بخاطرها ويوفقها بالرجل الصالح اللي مايشوف غيرها...