شقول للقاضي؟!!

السلام عليكم ورحمة الله وبركاته

(لا اله الا الله العظيم الحليم..لا اله الا الله رب العرش العظيم لا اله الا الله رب السمارات السبع ورب الارض ورب العرش الكريم)

زوجي طلقني :(

وانصدمت ولازلت عايشه في الصدمة ..يابنات طلقني بدون سبب وهذا اللي يجرح..المشكله ما عاطاني اي سبب..قال لها لي في ويهي:انتي طالق يالله ما تخيلت هالكلمة انها تجرح جي...
توقعته بردني في اي وقت...لكن للاسف مر شهر وشوي لا حس ولا خبر...
حسبي الله ونعم الوكيل..
أمس خبروني ان عندي جلسة في المحكمة بعد كم بوم...سقول للقاضي؟
المشكله مافي شي ..الربال زين وعمري ماشفت منه شي مب زين ...صحيح تصير بينا مشاكل عادية بس ما توصل للطلاق...
أهلي يحبونه ومحد مصدق اللي سواه فيني....كل شوي اطالع في الموبايل أقول الحين بيرسل لي بيعتذر لي بصالحني..ابد..ولا شي :(
انا تعبانه وايد ..مدمرة حياتي توقفت خلاص...ما اتخيل حياتي بدونه...
اول ماقعد من الرقاد اتمنى بكون طلاقي كابوس واقول الحين بشوفه جنبي ...:(

يالله اربط على قلبي ...كيف بروح دوامي وانا بالحاله هده.! لا اشتريت لعيد ولا للدوام..

احس اني ماقدر اواصل حياتي بدونه..

اذكر كلامه ضحكته صوته تكته صراحه عصبيته....وحشني وابد..بس قلبه قاسي قاسي..

يعني معقول خدعني لما قال انا احبج وما اصبر عنج ومستحيل اطلقج في يوم من الابام؟!!!

أأأأأأأأأأأأأأه ياقلبي ...

يارب صبرني يارب عشان بنتي عطني القوة...

44 تعليق 4,467 مشاهدة

شاركي في النقاش

سجلي الدخول لإضافة تعليق.

التعليقات

43
  1. @phzozo

    كرري انا لله وانا اليه راجعون اللهم اجرني في مصيبتي واخلف لي خيرا منها
  2. @shms_alaashak

    صاحبة الموضوع
    المشكله مابغي ادش محاكم ..مب عارفه شقول للقاضي ماشفت عليه شي

    اللهم اجرني في مصيبتي واخلف لي خيرا منها

تابعي تجارب أخرى من هذا القسم.