وتخنقني العبرة ..يــمــه يــمــه وش فيه!!

عصر يوم الاثنين<<اللي هو امس

سويت القهوة وحطيت التمر عشان امي وابوي وخواتي
وجلست ع النت اقرااا وامي كانت ع التليفون تكلم وشوي اسمعها وهي تقول مين مات؟
لا اله الا الله ياربي ترحمنا ومن كان معه؟وانط من مكاني مفزوعه يمه وشفيه!!

وامي مفزوعه من الخبر وحاطه ايديها فوق راسهااا وتبكي الله يصبرهم الله يصبرهم
واعيد واكرر يمه من مات وتبكي وماشالتني رجولي وجلست ويالله انها هدت وعلمتناا

هذا واحد نعرفه توفي بحادث ونعرف امه واهله كلهم
يافجعة قلوبهم..الله يرحمه ويغفر له ويصبر امه واهله جميع
عمره 17 سنة واخوه وعيال عمه بالمستشفى الله يشفيهم
ــــــــــــــــــــــــــــــــــــــــــــ

وتخنقني العبرة ..يمه يمه وش فيه
وتردد امي يالله ياربي ترحمـــنـــا

وتمدد الخوف بجوفي وقلبي ومابغيه
وبنفسي اقول عن الحزن يالله تبعدنا

وخارت رجولي من خبر ماقويه
وأسأل امي عيدي؟من اللي ودعنا!!

وتصيح( فلان) توفى واخوه الله يشفيه
يالله ارحمه وبهالدنيا ياربي لا تعذبنا

كل شخص جرب الدنيا ومن الحزن تهديه
وبدون سـاـبق انــذارتبعد وتــتــركــنـــا

يالله لطفك بأمه من الجنوووون والتــيـــه
يالله اجبر كسرها وصبرهــا وصبرنــــا

يالله يارحمن من جنات الفردوس تعطيه
وبندعي لك يا .... كل ماصلينا وسجدنا
ــــــــــــــــــــــــــــــــــــــــ

إنا لله وإنا اليه راجعون
ولا حول ولا قوة الا بالله العلي العظيم

الدنيا حقيرة وتقلب فجأة الله يكفينا شرها
سبحان الله صارت وفاة لنفس العايله قبل
اشهر والان تجدد الجرح عليهم الله
يصبرهم ويعوضهم خير

الله يرحمه ويغفر له ادعوله وادعو لأهله يا بنات

100 تعليق 5,965 مشاهدة

شاركي في النقاش

سجلي الدخول لإضافة تعليق.

التعليقات

97
  1. @mnaoy_7

    الله يغفرله ويرحمه ويرحمنا أذا صرنا ألى ما صاروا ألية
    وجزاكي الله خيرا ورفع الله قدري وقدرك في الدارين سبحان الله بحمد سبحان الله العظيم أستغفرالله وأتوب ألية من كل ذنب أو خطيئة
  2. @alshr29

    إنا لله وإنا اليه راجعون
    ولا حول ولا قوة الا بالله العلي العظيم

    الله يرحمه ويغفر له و يصبر أهله

تابعي تجارب أخرى من هذا القسم.