أفضل محلى اصطناعي للرجيم .. نصحتني فيه أخصائية تغذية

@maashok_ktr

السلام عليكم ورحمة الله وبركاته


خواتي الغاليات .. قريت من فترة في المنتدى عن المحليات الاصطناعية .. واشوف البنات يقولون ان افضل نوع هو splenda .. وبالفعل سألت أخصائية تغذية وقالت لي يصلح للمعجنات اذا كنتي تتبعين رجيم ..

دخلت على موقع splenda عشان اشتريه منهم .. لأن مب متوفر عندنا بقطر .. لكن تفاجئت ان له مخاطر حاله حال الكاندريل والمحليات الثانية .. ويدخل في صناعته مادة تستخدم للمبيدات الحشرية !!!!

طبعا في الموقع ذاكرين لنا انه طبيعي و و و و.. لمجرد الدعاية وتسويق منتجهم .. لكن شوفوا مخاطره


http://www.mercola.com/2004/mar/31/splenda_reaction.htm


أتمنى انكم ماتغلطون غلطتي .. لأن بالفعل لابد ان احنا نسأل ونقرأ عن مكونات هالأشياء ..



اللهم اني قد بلغت .. اللهم فاشهد

12 تعليق 6,476 مشاهدة

0 0

شاركي في النقاش

سجلي الدخول لإضافة تعليق.

التعليقات

11

  2. @shory_1

    فيه سكر فركتوز طبيعي
    وهو سكر فوالكهه ثلاث ملاعق الى ملعقتين تعادل ملعقه واحده من السكر العادي

    وراح تلقونه بالسوبر ماركت بنفس الاسم ( سكر فركتوز )

  3. @am_somh

    هلا بيكم

    يمدحو سكر من جي ان سي

    اسمه ستيفيا انا جربته حلو وسعره يمكن 23 ريال او24 نسيت والله بس حلو

  4. @kmyryh

    اهلا اخواتي ..

    غالباً الشركات المعاديه لأي منتج تطلع عليه كل انواع المحاذير ونحن اللي نضيع ومانعرف ايش نستخدم .. وتلاقين كل مده نغير من اشياء متعودين عليها وبعد فتره نكتشف ان الكلام اللي طلع كله كذب .. وهذي سياسه تجاريه

    عموماً مشكوره على التحذير

  5. @maashok_ktr

    صاحبة الموضوع
    مشكورين خواتي على ردودكم .. وأنا عن نفسي خلااااااااااص ماعدت استعمل أي نوع منهم .. وراح استبدله بالسكر البني لأن طبيعي وصحي ..


    اختي كهرمان : بالنسبة للرابط اللي حطيته لكم في الموضوع .. هو موقع أجنبي يذكر لج مخاطر المحليات الصناعية .. وفيه قصص وتجارب للناس اللي استعلموا هالمحليات وخاصه سبلندا ..
    انا استعنت بزميله لي شاطره في الانجليزي .. قرأت لي شوي من هالموقع .. وكانت هي تبي طلب المنتج معاي .. لكن تفاجئت بمكوناته الصناعية واللي تسبب اخطار على المدى البعيد .. واحتوائه على مادة الدي دي تي .. وطبعا هي مادة معروفة في المبيدات الحشرية .. وايد كاتبين أخطار عنه .. مثل الاسهال الله يعزكم .. والحساسية .. وانتفاخ بالجسم ..


    مثل ماقلت لكم .. خل نتجنب هالأشيا أبرك لنا .. دام ان فيه بدائل لها ..



    مشكورين مره ثانيه .. والله يحفظنا وياكم من كل شر

تابعي تجارب أخرى من هذا القسم.