مبثوث اماراتي تلقينه في كل مكان علبته زجاجيه وسعره ب30 ريال بس روووعه بالذات لما تغرقين ملابسك بمعطر اسمه اكوا كوثر من الرصاصي وتبخرين بالمبثوث الاماراتي يووووه خيال ثابت ثابت وقوي ريحته وتستمر ريحته لمدة شهوور في جلال الصلاة اما الملابس حتى بعد الغسيل تيقى ريحته لكن تخف بس جناااااااااااااااااااااااااااان
تدرين يا أختي للملابس وغرفة النوم أحط عود أو عود بالعنبر
وللبيت أحط بخور ..( الراقية / جبل علي / بنت الخليج من أجمل )
بس واللي يا اختي ان البخور هو اللي يثبت في المكان ولما اشغل المكيف ( اليوم الثاني مثلا بعد ما أرجع من الدوام ) تطلع الريحة من المكيف وتكون ثابته في المكان !!
وانصحك بتبخير البيت أولا بلبان ذكر مع شوية سويدة ( حبة البركة ) << لتعقيم المكان وإزالة روائح الطبخ أو الغبار
وبعدها بفترة حطي البخور أو العود
وياريت تكون الجمرة عليها طبقة خفيفة من الرماد مو تحطين البخور أو العود عليها مباشرة بعد ما ترفعينها من النار قالت لي هالحركة وحدة اماراتية لأن حتى الريحة تفرق
الله يطيب اوقاتنا بالعمل الصالح وذكر الله ولقاء الأحبة