مساء الخير حبايبي انا رحت لموعدي حق تحليل السكر وكان زي اي تحليل سكر بحمليني الاولين المفاجأه يوم قالتلي عندك سكر الحمل وهذا اللي ماحطيته ببالي ابد ابد بس قالتلي مو مرتفع مره بس لازم تمشين على حميه المهم عطتني حميه لرمضان لان لو مااحتميت بيصير سكر ثابت >>دامك عارفه كل السالفه وش تبين
المهم نسيت الحميه بالشنطه من عطتني وانا اكل بهالتمر والسمبوسه مااقدر احس اني اجوووووع مررره الزبده والسؤال مين اللي جاها وكبر حجم جنينها مررره انا بطني صغييييير وانا ببدايه السابع وهل اثاره نفس اثار السكر الطبيعي احس اني اعصب من خيالي حتى اولادي ماني طايقه يتكلمون معي ابدواذا جعت اتراجف مره والكتمه اللي ذابحتني مع اني الحمدلله ماعندي ربو ابد بس احيانا يضيق النفس عندي تقول الدكتوره يمكن عندك فقر دم مين اللي جتها هاعوارض وكيف تعاملت مع هالسكر وهل ولدوها طبيعي والا قيصري وكم طلع وزن البيبي ؟كثرت عليكم الاسئله بس تكفوووون ابي اجابات تشفي غليلي ونسيت اقلكم المشيمه عندي نازله من بدايه حملي ولا ارتفعت ووزني مو ذاك الزود زاد يعني طبيعي >>مافيه مرض الا وجاك بهالحمل
وياااااااااااااارب تسهل ولاده كل وحده ترد علي ويحققلها امانيها بس اللي ترد
شاركي في النقاش
سجلي الدخول لإضافة تعليق.
التعليقات
5- للرفع لعيونك
- يارب يحميك منه
- الله يحميك يارب
ولاتخافين اللى اعرفه يروح بعد ماتولدي وبس والله مو عارفه بالنسبه لحجم الجنين والولاده قيصري او طبيعي ان شاء الله البنات يفيدونك.. - اهلا فيك انا جاني سكر حمل بحملي الثالث سويت حميه بس موشديده يعني اسرق سراقه الحلا
والحمد الله وزن البيبي كان مو كبير بالعكس هو اصغر اخوانه حجم
وانا الحين حامل وخايفه يجين مره ثانيه الله يستر والله يسهل امري وامرك
نسيت اقول ان الحميه مو عن السكريات بس قالت لي الدكتوره عن الدهون والنشويات - السلام عليكم خواتي
أنا نفس مشكلتك، لكن هذا حملي الأول وأنا في بداية السابع واريد اعرف الحمية المناسبة
لكن أقول للي يتساهلون في أكل الحلا وعندهم سكر الحمل دوروا في النت عن مضاعفات سكر الحمل على الأم والجنين
لقيت قبل شوي على النت موقع جريدة الرياض طارحين هذا الموضوع واللي فهمت منه
انه ممكن يسبب وفاة مفاجئة للجنين (الله يحفظ اللي في بطني وبطونكم آمين)، وممكن اذا عاش يسبب له مرض اليرقان (الصفراء)، وممكن يزيد حجم الطفل، وممكن يسبب له لما يكبر مرض السكري، وللأم اذا ما اهتمت بنفسها ممكن يستمر معاها حتى بعد الولادة
واللي مايتضبط السكري عندها ممكن يولدونها صناعي او قيصري قبل ما توصل الاسبوع 38 من الحمل
يعني خواتي لا تستهينون في الموضوع
بإذن الله ناوية على المشي اليومي بجانب الحمية اذا عطوني إياها
لأن البارحة بس كلموني اني لازم اجي اليوم اعيد التحاليل (قبل الفطور، بعد الفطوربساعتين، بعد الغدا بساعتين، بعد العشا بساعتين)
سويت أول ثلاث تحاليل ونسبة السكر مرتفعة شوي مع انه اكلي بسيط ووزني طبيعي، وباقي تحليل اللي بعد العشا (يعني فطرت اليوم مضطرة)
الله يشفيني ويشفيكم وينجي اللي في أرحامنا برحمته آمين
مواضيع مشابهة
تابعي تجارب أخرى من هذا القسم.