بيتنا غير فى شهر الخير..اتفضلى معانا// سيستمر الموضوع الى نهاية شهر رمضان فقط

متابعة النقاش، صفحة 32

شاركي في النقاش

سجلي الدخول لإضافة تعليق.

التعليقات

455
  1. @lmya2008

    الحمد لله يامى بس مش عارفه زادت الالم شويه
    مع انه مفيش املاح ولا روماتيد من ايه مش عارفه

    الدواللى بيقولوا مش بتالم بس انا اطراف صوابع رجلى روكبى بس الحمد لله


    بنات البرشام منع الحمل مش توقفت منه خدت واحد كمان المفروض لما بيقف الدوره بتنزل
    وانا فى نيتى انى اصومه بالكامل وكمان رمضان فرصه كمان
    هل ده صحيح ولا ايه

    يعنى انا كده منعت الدوره انها تنزل

    رايكم ايه
    النهارده اول حبة فى الشريط الجديد
    اكمل ولا...................................
  2. لسلام عليكم
    لميا ألف سلامة عليك
    مي ربنا يقويك و يسهلك النقل
    وردة مفتحة شكرا على الدعاء
    الموضوع اللي قلتلكم عليه ما تمش و أنا زي ما أنا في نفس المستوى الحمدالله لعله خير
    و بعدين لو كان حصل ما كنتش هعرف أجيب حاجة حلوة ل كل اللي بيقروا النت
    سلام أروح أكمل الفطا
  3. @egypty

    السلام عليكم
    ازيكم يابناتيت عاملين وحشتوني جدا رمضان كريم علينا كلنا
    انا اكتر حاجه مزعلاني في رمضان اني صومت اول ثلاث ايام فقط وفطرت بعد كدا بسبب الرضاعه الدكتور بتاع الاطفال قالي ماتصوميش هايعادوا ثلاث ايام ومش هتلاقي في لبن عندك وفعلا ده اللي حصل نفسي ارجع اصوم تاني انا مقصره جدا وبذات مع تعب ساره كانت سخنه وكحه وبرد بس دلوقت احسن الحمد لله ودلوقت جوزي سخونيه بس اللوز عنده ملتهبه جدا وركبوله محاليل ودخلوله فيها المضاد عشان يكون اسرع السخونيه راحت بس لسا اللوز تعباه
    واول يوم رمضان كنا عزمين حمايا وحماتي واخواته بس جبنا اكل جاهز من حسني بط مع الروز بالمكسرات كان جميل والله يسامح بتوع المايه قطعوها من 2 الظهر لحد 10 بليل من اولها كدا بيعيدوا علينا وتاني يوم بابا واختي كانوا جاين القاهره عشان اختي تمضي ورق لانها هاتستلم وظيفه في مصر للبترول في المنصوره لانها من ابناء العاملين بابا كان بيعمل قيها والورقه اتعطلت راحوا جاين عليه
    عملتلهم جلاش بالحمه وصينية بطاطس بالكفته وسمبوسه وفراخ بانيه قطعتها وشوحتها مع مشروم وكريمه اللباني بس الاكل اتساب منه كتير فعلا رمضان مش عايز الاكل الكتير
    الجلاش وانا بعمله كنت مشغله من كل بلد اكله لقيت الشيف اشرف بيعمله بطريقه حلوه بتدهني الصينيه وتحطي 3طبقات جلاش وتدهني وتحطي 3 طبقات وهكذا لحد نصف الكميه وتحطي اللحمه المتعصجه وفوقيها بشاميل وبعدين نفس طبقات الجلاش اللي تحت وتقطعيها وتدخليها الفرن وهيه في الفرن تكوني جايبه لبن وتقلبي عليه بيضتين وتصبيهم علي الصينيه وتسبيها 7 دقائق وتطلعيه
    يابنا انا فوجئت بغلق الملف بتاعنا وكان فيه كتير انا مقراتهوش وفين باقي البنات ياله كل سنه وانتم طيبين
  4. @quotmhtag_lldaaaaaquot

    السلام عليكم

    لميا الف سلامة عليكي والله مش عارفه ايه اللي حصلنا بقينا مكسرين وصحتنا تعبانه مش عارفه كمان كام سنة لو ربنا ادانا عمر هنعمل ايه؟

    مي انا عايشة في قطر من وانا عمري سنة وجيت مصر لما دخلت كلية هندسة بس مستحملتش البعد عن اهلي وجو مصر مش متعوده عليه فرجعت تاني قطر ودرست هناك بس قدري بقه اني اتجوز في مصر واعيش فيها واهلى كلهم في قطر...هما بيقولولي انها اتغيرت اوي بس بردوا بحبها ونفسي ارجع تاني...احنا سكنا في اماكن كتير بس آخر مكان في السد ولغاية دلوقتي بابا وماما في السد...بنفكر ان شاء الله في السفر دعواتك لينا

    البنات اللي بيسالوا عن ملف السرب هو اتقفل باعتبار ان ده تكملة ليه وبتهيالي بعد رمضان ايمان هترجع تعمل ملف تاني باسم السرب متقلقوش

تابعي تجارب أخرى من هذا القسم.