~ أي مشكله تربويه خاصه بطفلك أنا حاظره مع الحل ~

شوفي يا اختي الواضح انه شخصية ولدك قياديه بعض الشيء هذي تكون غالباً في الأولاد ونادراً عند البنات
ومع هذي الشخصيه لازم تكون طريقة التربيه مختلفه شوي
يعني علشان يسمع كلامك لازم تتعاوني معاه مو تفرضي عليه
ممنوع الضرب ممنوع الصراخ لأنه مهما صرختي رح يرجع يسوي نفس الشي ولا عليه منك
لازم تخليه مساعدك الصغير وقوليله انت مسئول عن كذا وكذا
انتبه للشي ذا ... ورح تلاحضين ان شخصيته القياديه رح تفيدك كثير
والواضح انه يقدر ابوه ويقدر رأيه ... علشان كذا لازم تفرجين ابوه على انجازاته اللي سواها
في البدايه بالغي شويه للوالد عشان الولد يحس بالفخر بنفسه ومن بكره رح تحسين انه يبغا يسوي كل شي تقوليه علشان تفخرين فيه انتي وابوه

تذكري الكلام ذا مايجي بيوم وليله خصوصاً لو الولد عنيد .. لكن خليكي صبوره معاه ويوم بعد يوم
رح ينسى ***** الله كل السلوكيات الخطأ

تحياتي

مشكلة التكرار اختي في وقت الجد قولي الكلمه مره وحده واذا ماسمع كلامك عاقبيه بالحجز اللي شرحته في الردود السابقه ... لكن لا تشدي كثير عليه .. ولكن تعاوني معاه على انه تكرار الكلام يكون مثلاً لعبه
خليه يكرر بطريقه فكاهيه وكرري معاه ورح يعرف يفرق بين المزح والجد
بالنسبه للسلام على الناس لا تغصبيه على الشي ذا لأنه في اطفال يتقبلون السلام والقاء التحيه وفيه اطفال لا
لا تسمحين له يتمادى معاك بالضرب وعاقبيه بالحجز كل ما شفتي شي غلط اول شي حذريه بعدين جلسيه في مكان لحاله لمدة اربع دقايق ... بدون صراخ بدون عصبيه
ورح يتجاوب معاك في فتره بسيطه

لا تنسين اهم شي
وهو انك تقضي وقت معاه
تكلموا ارسموا العبوا
رح ينسى كذا انه يلفت نظرك لأن نظرك كله معاه ّ!!!


تحياتي

اولا جزاك الله خير
ثاني انا عندي عيال اخويه ماشاء الله عليهم
وحده تكذب كثيرر
والثانيه عناديه وعندها مشكله ثاني يبيلها تعديل سلوك عنيفه تضرب كثيرر وتاخذ حقها او غير حقها بالقوه
حسب مايقول اخويه الله اعلم يقول الابله تشتكي منها مسكت اليوم بنت لابسه فستان مدري شاريه دفتره حلو او حاطه
بكله على راسها المهم شافت شي زين عند صحبتها قامت مسكتها وقالت لها بكره تجيبين ليه مثله ولا اوريك
وتهددها
واكثر من مره قال له الاطباء يبيلها تعديل سلوك وعندها افراط بالحركه لدرجة انها تاخرت عن السن اللي يدخلها المدرسه وحاطها بمدرسه اهليه علشان هذا السبب
ابي اعرف كيف ممكن نعالجها وهل لو فيه العاب او كتب نشتريها لها
لانو انسي اخويه يوديها اخصائي مايبي يدفع فلوس وكمان مافيه يودي ويجيب كثير ويقول انه جرب ماجاب نتيجه وضيع فلوسه ومشاوير على الفاضي

تصرفاته هذي كلها علشان يلفت نظرك ويبغاكي تهتمين فيه لأنه حس بوجود طفل ثاني يشاركه فيك
الحل كتبته للأخت رشا بنت ابوها وهي نفس حالتك ..

تحياتي

الضحك والمزح ما يعتبر مشكله سلوكيه لأنه هذي شخصية ولدك ... بس طبعاً اذا عارضت اوامرك المباشره له خذيه لمكان لوحده وقوليله بصوت راخي وانتي قريبه منه انه هذا مو وقت مزح وابغاك تسمع الكلام
اذا قلك طيب اشكريه وامدحيه ... اذا عاند عاقبيه بالحجز سبعه دقائق وشوفي طريقته في الردود على الأخوات اللي قبلك
مع الوقت رح يفرق انه لكل شي وقته ..
الوقت اللي يمزح فيه شاركيه ولا تكونين بس متفرجه

بالنسبه لروحه الرياضيه ... الألعاب الجماعيه هي اللي تنمي الروح الرياضيه عنده .. في البدايه ماراح يتقبل ويمكن يعصب ويبكي لأنه شخصيه تنافسيه ... قوليله بهدوء انه لو ما فاز المره ذي رح يفوز المره الجايه ولا تعطي للموضوع اهميه كبيره ...
عوديه على انه يعطي الناس اهميه مثلاً لو شفتي أحد محتاج فلوس في الشارع عطيه الفلوس وخليه يعطيه بنفسه
طبعاً كل ذا ينمي فيه حب الغير وفي المستقبل رح يتقبل خسارته بشكل افضل
اخسري لعبه قدامه واخسري وقولي بصوت عالي اووه المره ذي مافزت المره الجايه بتكون احسن
مع الوقت الجمله تثبت في راسه
حاولي معاه ولو زعل وعصب لا تكلمينه اتركيه ورح يرجع يلعب عادي بعد فتره