طريق الامل ( خبرات متبادلة حول مراكز العقم فى مصر ) الجزء السادس

أوشي ربنا معاكي يارب ويتمملك عمليتك على خير ويرزقك بكل ما تحبي وتتمني حتى ترضي يارب
إزيك يا فطومه إنت وميكو وزينب
إشتقت ربنا يكرمك يا بنتي إنك طمنتينا على المشتاقه ربنا يسهلها وترجعلنا بسرعه إن شاء الله

يابنات النهارده الجمعه متنسوش سورة الكهف

ولا نشاط ولا حاجة في فطومة
من بعض ما عندكم
انا بس كل اما ادخل منتديات اسلامية والاقي حاجات مفيدة بحب انقلهلكم عشان نستفيد كلنا


ربنا يشفيكي يا ام انس ويعافيكي يارب


ان شاء الله يتم السحب على خير يا اوشي وتطلعلنا بويضات حلوة تملى العين كدة
وربنا يباركلك فيهم ويرزقكم الذرية الصالحة بس ياريت تبقى تدخلي تطمنينى عليكي يا جميل
احنا كلنا بندعيلك

السلام عليكم ورحمة الله وبركاته

جمعة مباركة عليكو جميعا

امال فين نيفووو ورمال ومميزات حد يندهلهم من المطبخ
انا وصلت للجزء السادس من تانى يوم
ومن تالت يوم وانا اجازة إجبارى ان شاء الله بكرة اكمل
يلا كل واحدة تقول وصلت للجزء الكام خلونا نشجع بعض

السلام عليكم ورحمه الله وبركاتة

ماشاء الله ..اللهم بارك ... بقوا 6 اجزاء يا بنات .. يارب كتر اجزائنا يارب .. وزى ما فاطمة حبيبتى قالت يارب يكون الجزء الجاى اسمه "تحقيق الامل" لكل اللى فى الملف اللهم آمين ...

طمطم حبيبتى ..
جزاكى الله خيرا يا قلبى ...انتى بدايتك للملف كانت مميزة اوى حقيقى ..
كان لازم تفتتحى لنا الملف من زمان يابنتى علشان نشوف الادعيه الجميله دى بجد كلمات حلوة اوى .. انا حاسه ان شاء الله المرة دى الملف هيشهد اخبار سعيدة كتير وهيكون وشك حلو ما تخافيش .. والبشاير بدأت تهل علينا اهه من الجزء اللى فات ..
وان شاء الله انتى يا طمطومة هتكونى من اللى هنحتفل بحملهم ونبارك لهم فى الجزء ده بعون الله وبقدرة وبحسن ظنى بالله


تخيلوا يا بنات الملف ده فتحته مميزات الله يجزيها خير من سنه وكام يوم بالظبط .. عارفين من ساعه ما فتحته كام واحده فينا ربنا كرمها .. 7
مش بهزر فعلا ماشاء الله سبعه مننا حملوا فى السنه اللى فاتت دى .. تحبوا اعدهم
مميزات .. رمال .. كوكر .. مسلمة .. بتانور .. ميكو .. سامنتا "عضوه سابقه".. ده غير طبعا اللى ربنا كرمه وما فرحناش
وغير اللى حملوا وربنا ما قدرش ان الحمل يكتمل زى شوشو حبيبتى وزينب"ربنا يخلف عليهم آمين"
عارفين طيب الجزء اللى فات لوحده كان فيه كام خبر حمل حلو
تلاته اللهم بارك .. ده غير كوكر اللى ربنا كرمها وولدت على خير وجابت لنا احلى كريم ..
عارفين بقول الكلام ده ليه ..
علشان لما فتحنا الملف كانت معلوماتنا بسيطة عن تأخر الانجاب .. لكن بفضل الله بمرور الوقت وبخبراتنا اللى بنتبادلها حصّلنا كم كبير جدا من المعلومات اللى فادتنا جدا جدا
فى علاجنا ..
وكمان غيرت من نمط تفكيرنا ومنطقنا فى حكمنا على الاطباء
ومراكز العلاج
وبما انى قديمة فى الملف "ولى الفخر "فا انا حاسه بالفرق الرهيب فى مستوانا الثقافى من يوم ما الملف اتفتح ودلوقتى
وفعلا احنا استفادنا من وجودنا مع بعضنا كتير اوى اوى

ربنا ما يحرمنا من تجمعنا هنا ابدا يارب ونفضل نفيد ونستفيد مننا كده
ويفضل ملفنا مفتوح دايما للخير
:26::)

اوكسجين ..
انا كنت زعلانه منك .. علشان انتى مش رديتى عليا لما كلمتك فى الجزء اللى فات .. بس خلاص اللى فات مات وادينى بدحرج التماسى عليكى يا حبيبتى تانى وبتمنى لك كل خير فى الجزء الجديد

ميكو موكا ..
ازيك يا حبيبتى عامله ايه طمنينى عليكى .. شدى حيلك خليكى راجل

ام اياد ..
ازيك يا حبيبتى عامله ايه .. ومين سمعك فى موضوع النت ده ..

ام انس ..
حبيبه قلبى .. شفاكى الله وعافاكى من تعب المرئ الف سلامه عليكى .. وبرغم ان تعبك ده صعب برده انا عارفاه لكن ده هيحكمك شويه فى الاكل وهيساعدك فى الدايت ..وربنا يعينك يا حبيبتى وييسر لك امورك

شوشو ..
ازيك يا قمراية .. عامله ايه وانوستك يارب تكونوا بخير وصحه .. مبسوطة اوى انك رجعتى تواظبى على الدايت تانى بس حاولى اول ما توصلى للتارجت بتاعك بقه انك تثبتى علشان تفضلى على الوزن المثالى وربنا يرزقك يا حبيبتى الذرية الصالحه ويبارك لك فى زوجك وابنك

زينب .. ازيك يا جميل .. ان شاء الله تكونى بخير وصحة

اوشى ...
يارب يا حبيبتى يكمل لك على الف خير ويبارك فى بويضاتك يارب وتكون تمام ويطرح فيها البركة اللهم آمين

نوفى يا حبيبتى ..
انتى مش جيتى نورتى الجزء الجديد زى عادتك ليه .. لعل يكون خير يا قلبى .. تعالى قولى لنا انتى فين اراضيكى يا بنتى وحشتينا والله

بوبا ..
بوبتى ازيك يا مضروبة انتى وحشانى خالص .. ربنا يوفقك فى المنظار يارب ويحل مشكله الاكياس دى ونسمع عنك خير دايما يا حبيبتى .. اما بالنسبه للقرآن فى رمضان يا حبيبتى العلماء منهم اجاز قراءة القرآن للحائض زى الشيخ ابن باز والشيخ محمد صالح المنجد .. بشرط تمسكى المصحف من وراء حائل وده رابطين فيهم المفيد علشان الكل يستفيد ويعرف يا جميل


http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528616578

http://akhawat.islamway.com/forum/index.php?showtopic=6821

المشتاقة للأمومة ..
شفاكى الله وعافاكى وحمدالله على سلامتك يا جميل ..

بتانور .. انتى فييين ...؟؟؟
طمنينا عليكى طيب ماتسيبيناش كده لو سمحتى والله قلقانه عليكى

سارة وماما .. ربنا يجبر بخاطركم فى الشهر الكريم ده

مشمشه .. وحشانى اوى والله .. ربنا يعينك على التوضيب فى الشقه

توتا .. ازيك يا حبيبتى .. ايه اخبارك .. عرفينا وصلتى لفين دلوقتى ؟